• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານເລຂາທິການໃຫຍ່ຫງວຽນຟຸຈ້ອງພົບປະເຈລະຈາກັບປະທານສະພາແຫ່ງຊາດກູບາ

ຕອນເຊົ້າວັນທີ 29 ມີນາ (ຕາມເວລາທ້ອງຖິ່ນ), ຢູ່ສຳນັກງານສະພາແຫ່ງຊາດກູບາ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ພົບປະເຈລະຈາກັບທ່ານປະທານສະພາແຫ່ງຊາດກູບາ Esteban Lazo Hernendes.


 ທ່ານເລຂາທິການໃຫຍ່ຫງວຽນຟຸຈ້ອງພົບປະເຈລະຈາກັບປະທານສະພາແຫ່ງຊາດກູບາ

(ພາບ: TTXVN)

ນະທີ່ນີ້, ທ່ານປະທານສະພາແຫ່ງຊາດ Esteban Lazo Hernendes ໄດ້ເນັ້ນໜັກເຖິງການພົວພັນແບບພິເສດກູບາ - ຫວຽດນາມ, ຕີລາຄາສູງບັນດາຜົນງານ ແລະ ບົດຮຽນພັດທະນາ, ປ່ຽນແປ່ງໃໝ່ຂອງຫວຽດນາມ. ທ່ານປະທານສະພາແຫ່ງຊາດ Esteban Lazo Hernendes ຢືນຢັນວ່າ, ກູບາ ຖືເປັນສຳຄັນ ແລະ ປາດຖະໜາຢາກເພີ່ມທະວີການພົວພັນກັບຫວຽດນາມຢ່າງບໍ່ຢຸດຢັ້ງຕະຫຼອດການ.

        ສ່ວນທ່ານເລຂາທິການໃຫຍ່ ຫງວຽນຟຸຈ້ອງ ເນັ້ນໜັກວ່າ, ຫວຽດນາມ ຍາມໃດກໍ່ຮຽງບ່າຮຽງໄຫຼ່ກັບພັກ, ລັດ ແລະ ປະຊາຊົນກູບາ ອ້າຍນ້ອງ ໃນພາລະກິດຕໍ່ສູ້ ເພື່ອບັນດາເປົ້າໝາຍ ແລະ ແນວຄວາມຄິດອັນດີງາມຂອງລັດທິສັງຄົມນິຍົມ; ຮ່ວມເດີນທາງກັບກູບາ ໃນພາລະກິດການພັດທະນາເສດຖະກິດ, ສັງຄົມຂອງກູບາ, ພ້ອມແລ້ວທີ່ຈະແບ່ງປັນບົດຮຽນຂອງຫວຽດນາມ ພາຍຫຼັງ 30 ປີທີ່ດຳເນີນພາລະກິດແຫ່ງການປ່ຽນແປງໃໝ່. ພິເສດແມ່ນໃນໄລຍະປະຈຸບັນ. ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ເນັ້ນໜັກເຖິງຄວາມສຳຄັນຂອງການຊຸກຍູ້ ແລະ ເພີ່ມທະວີການຮ່ວມມືດ້ານເສດຖະກິດ, ການຄ້າ, ການລົງທຶນ… ລະຫວ່າງ 2 ປະເທດ, ສະເໜີໃຫ້ 2 ຝ່າຍຄວນມີບັນດາກົນໄກ, ມາດຕະການເສີມຂະຫຍາຍທ່າແຮງ ແລະ ຄວາມສາມາດບົ່ມຊ້ອນຂອງແຕ່ລະປະເທດຢ່າງຄົບຖ້ວນກວ່າ, ສະໜັບສະໜູນເຊິ່ງກັນ ແລະ ກັນ, ຍົກສູງປະສິດທິຜົນຂອງບັນດາໂຄງການເສດຖະກິດ, ຮັບໃຊ້ບັນດາເປົ້າໝາຍພັດທະນາຂອງແຕ່ລະປະເທດໃນໄລຍະຈະມາເຖິງ.

        ແລະກໍ່ໃນຕອນເຊົ້າວັນທີ 29 ມີນາ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ໄປຢ້ຽມຢາມມະຫາວິທະຍາໄລສັງລວມ ລາຮາວານ, ໂອ້ລົມກັບກັບບັນດາຄູອາຈານ, ພ້ອມກັບນັກສຶກສາຂອງໂຮງຮຽນ ແລະ ຢ້ຽມຢາມໂຮງຮຽນປະຖົມ ວໍທິທັ໋ງ, ຢູ່ເມືອງ Play gia, ນະຄອນຫຼວງ ລາຮາວານ.

(ແຫຼ່ງຄັດຈາກ VOV)


ທ່ານປະທານສະພາແຫ່ງຊາດ ເຈິ່ນແທັງເໝີນ ເຂົ້າຮ່ວມກອງປະຊຸມ AIPA 46

ທ່ານປະທານສະພາແຫ່ງຊາດ ເຈິ່ນແທັງເໝີນ ເຂົ້າຮ່ວມກອງປະຊຸມ AIPA 46

ອາຊຽນ ໄດ້ ແລະ ພວມບັນລຸໝາກຜົນສຳຄັນ ແລະ ຍືນຍົງໃນການຮັກສາສັນຕິພາບ, ສະຖຽນລະພາບ ແລະ ຊຸກຍູ້ຄວາມວັດທະນາຖາວອນຢູ່ພາກພື້ນ.

Top