ຂ່າວສານ

ທ່ານຮອງນາຍົກລັດຖະມົນຕີ ຫວູດຶກດາມ ກວດກາສູນຄຸ້ມຄອງ, ບໍລິຫານໜູນຊ່ວຍການປິ່ວປົວ Covid-19 ຜ່ານເຄືອຂ່າຍອີນເຕີແນັດ

10/03/2020

ທ່ານຮອງນາຍົກລັດຖະມົນຕີ ໄດ້ຊີ້ນຳ ແລະ ບໍລິຫານວຽກງານປ້ອງກັນໂລກລະບາດຢູ່ໂຮງໝໍເຂດຮ້ອນສູນກາງເລກ 2.

(ພາບປະກອບ: VGP)

ວັນທີ 08 ມີນາ, ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດ Covid-19, ໄດ້ລົງຢ້ຽມຢາມ ແລະ ກວດກາຢູ່ສູນຄຸ້ມຄອງ, ບໍລິຫານໜູນຊ່ວຍດ້ານວິຊາສະເພາະ, ບົ່ງມະຕິ, ປິ່ນປົວ Covid-19 ຜ່ານເຄືອຂ່າຍອີນເຕີແນັດຢູ່ກົມຄຸ້ມຄອງການກວດ, ປິ່ນປົວພະຍາດ (ກະຊວງສາທາລະນະສຸກ) ຢູ່ນະຄອນຫຼວງຮ່າໂນ້ຍ.

ຢູ່ທີ່ນີ້, ທ່ານຮອງນາຍົກລັດຖະມົນຕີ ໄດ້ຊີ້ນຳ ແລະ ບໍລິຫານວຽກງານປ້ອງກັນໂລກລະບາດຢູ່ໂຮງໝໍເຂດຮ້ອນສູນກາງເລກ 2, ເຊິ່ງແມ່ນເຂດພວມປິ່ນປົວໃຫ້ຜູ້ຕິດພະຍາດ Covid-19 ຈຳນວນ 9 ຄົນທີ່ມາຈາກຮ່າໂນ້ຍ ແລະ ກວາງນິງ. ປະຈຸບັນ, ອາການສຸຂະພາບຂອງບັນດາຄົນເຈັບໄດ້ເປັນປົກກະຕິ, ບໍ່ເປັນໄຂ້ອີກແລ້ວ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.