ຢູ່ການເຮັດວຽກ, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ຮັບຮູ້ວ່າ ທ້ອງຖິ່ນນີ້ ມີບັນດາການປະດິດສ້າງໃນການຮັກສາ ແລະ ເປີດກ້ວາງ “ເຂດຂຽວ” (ໝາຍເຖິງເຂດບໍ່ມີຜູ້ຕິດເຊື້ອ) ໂດຍແມ່ນພື້ນຖານເພື່ອລົບລ້າງ “ເຂດແດງ" (ໝາຍເຖິງເຂດທີ່ມີຜູ້ຕິດເຊື້ອ), ຮູບແບບການຜະລິດ 3 ຂຽວ (ໂຮງງານຂຽວ, ເຮືອນພັກຂຽວ ແລະ ກຳມະກອນຂຽວ) ໄດ້ຮັບການເສີມຂະຫຍາຍຢ່າງມີປະສິດທິຜົນ ຊ່ວຍໃຫ້ວິສາຫະກິດມີການຜະລິດເປັນປົກກະຕິ.
ທ່ານຮອງນາຍົກລັດຖະມົນຕີ ເນັ້ນໜັ້ກວ່າ, ບິ່ງເຢືອງ ພວມຢູ່ໃນໄລຍະສຸດທ້າຍໃນວຽກງານດັບມອດໂລກລະບາດ ໂຄວິດ - 19 ດັ່ງນັ້ນ ຕ້ອງສືບຕໍ່ປະຕິບັດບັນດາມາດຕະການ ເພື່ອນຳແຂວງກັບຄືນສູ່ສະພາບການປົກກະຕິໃໝ່. ທ່ານຮອງນາຍົກລັດຖະມົນຕີ ຫວູດຶກດາມ ຢັ້ງຢືນວ່າ ເພື່ອສ້າງພູມຕ້ານທານໃນປະຊາຄົມ, ສູນກາງຈະໃຫ້ບຸລິມະສິດແກ່ແຂວງບິ່ງເຢືອງ, ທ່ານກ່າວວ່າ:ໜ່ວຍປະຕິບັດງານຈະແລກປ່ຽນກັບກະຊວງສາທາລະນະສຸກ ສືບຕໍ່ມານະພະຍາຍາມ ໃຫ້ບຸລິສະມິດວັກຊິນໃຫ້ແກ່ແຂວງ ໂດຍໄວ ຍ້ອນວ່າ ບິ່ງເຢືອງ ແມ່ນແຂວງອຸດສາຫະກຳໃຫຍ່ທີ່ສຸດ. ມີນັກຊ່ຽວຊານຫຼາຍທ່ານເວົ້າວ່າ, ບໍ່ສາມາດລົບລ້າງໄວຣັດ ໃນຊຸມຊົນໄດ້ ແລະ ໄວຣັດ ຈະຍັງຄົງຕົວ, ເມື່ອພວກເຮົາສັກວັກຊິນກັນໂຄວິດ - 19 ແລະ ສົມທົບກັບມາດຕະການປ້ອງກັນ ຕ່າງໆ ຈະຫຼຸດຈຳນວນຜູ້ຕິດເຊື້ອທີ່ມີອາການໜັກ, ຜູ້ເສຍຊີວິດ ລົງ ເພື່ອກັບຄືນສູ່ສະພາບການປົກກະຕິໃໝ່.
(ແຫຼ່ງຄັດຈາກ VOV)
