• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີ ຫງວຽນຊວນຝຸກ ຕ້ອນຮັບປະທານກຸ່ມບໍລິສັດ Formula One

ຕອນບ່າຍວັນທີ 7 ພະຈິກ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຝຸກ ໄດ້ຕ້ອນຮັບທ່ານ Chase Carey, ປະທານ ທັງເປັນຜູ້ອຳນວຍການຝ່າຍບໍລິຫານ ກຸ່ມບໍລິສັດ Formula One ທີ່ເດີນທາງມາຫວຽດນາມ ເພື່ອເຂົ້າຮ່ວມພິທີປະກາດເຈົ້າພາບຈັດຕັ້ງການແຂ່ງລົດ F1 ຢູ່ຮ່າໂນ້ຍ ໃນປີ 2020.

ທ່ານນາຍົກລັດຖະມົນຕີ ຫງວຽນຊວນຝຸກ ຕ້ອນຮັບປະທານກຸ່ມບໍລິສັດ Formula One
  (ພາບ:VGP)

ທີ່ການຕ້ອນຮັບ, ທ່ານນາຍົກລັດຖະມົນຕີໃຫ້ຮູ້ວ່າ ງານແຂ່ງລົດ F1 ແມ່ນເຫດການກິລາສາກົນທີ່ມີຊື່ສຽງ, ດຶງດູດຄວາມສົນໃຈຕິດຕາມຈາກແຟນຄັບໃນທົ່ວໂລກ. ທ່ານນາຍົກລັດຖະມົນຕີເນັ້ນໜັກວ່າ ນີ້ແມ່ນເຫດການສຳຄັນບໍ່ພຽງແຕ່ສຳລັບຂົງເຂດກິລາເທົ່ານັ້ນ ແຕ່ຫາກຍັງລວມທັງດ້ານວັດທະນະທຳ, ສັງຄົມ, ການທ່ອງທ່ຽວນຳອີກ, ເຊິ່ງປະກອບສ່ວນເຂົ້າໃນການພັດທະນາຂອງ ຫວຽດນາມ. ທ່ານນາຍົກລັດຖະມົນຕີຢັ້ງຢືນວ່າ ລັດຖະບານ ຫວຽດນາມ ສະໜັບສະໜູນ, ພ້ອມແລ້ວທີ່ຈະໜູນຊ່ວຍບັນດາເງື່ອນໄຂອັນຈຳເປັນ ເພື່ອໃຫ້ກຸ່ມບໍລິສັດ  Formula One ຜັນຂະຫຍາຍໂຄງການຮ່ວມມືກັບນະຄອນ ຮ່າໂນ້ຍ ໃຫ້ປະສົບຜົນສຳເລັດ; ຜ່ານນັ້ນ ຢັ້ງຢືນຖານະບົດບາດ, ກຳລັງຄວາມສາມາດຂອງ ຫວຽດນາມ ໃນການຈັດຕັ້ງບັນດາເຫດການກິລາໃຫຍ່ອື່ນໆ ຢູ່ລະດັບໂລກໃນໄລຍະຈະມາເຖິງ.

ໂດຍຂອບໃຈຕໍ່ການສະຫຼະເວລາຕ້ອນຮັບຂອງທ່ານນາຍົກລັດຖະມົນຕີ ຫງວຽນຊວນຝຸກ, ທ່ານ Chase Carey ສະແດງຄວາມປາຖະໜາ ຈະ ຈັດຕັ້ງ ບໍ່ພຽງແຕ່ການແຂ່ງລົດເທົ່ນນັ້ນ ແຕ່ຫາກແມ່ນບັນດາເຫດການເພື່ອຮັບໃຊ້ມວນຊົນຮ່າໂນ້ຍ ແລະ ທົ່ວປະເທດ ຫວຽດນາມອີກດ້ວຍ. ທ່ານ Chase Carey ກໍ່ຖືວ່າ ຜ່ານເຫດການນີ້, ສາກົນຈະຮູ້ຈັກ ຫວຽດນາມ ຫຼາຍຂຶ້ນອີກ ແລະ ໃຫ້ຮູ້ວ່າ ໄດ້ມີຫຼາຍຄູ່ຮ່ວມມືຂອງ ກຸ່ມບໍລິສັດທີ່ໃຫ້ຄວາມສົນໃຈກັບງານແຂ່ງຂັນນີ້.

(ແຫຼ່ງຄັດຈາກ VOV)


ທ່ານ​ປະ​ທານ​ສະ​ພາ​ແຫ່ງ​ຊາດ ເວືອງ​ດິ່ງ​ເຫວ​ະ: ​ປັບ​ປຸງບັນ​ດາ​ເອ​ກະ​ສານ​ໃຫ້​ສຳ​ເລັດ​ສົມ​ບູນ ເພື່ອ​ກະ​ກ​ຽມ​ໃຫ້​ແກ່​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 7, ສະ​ພາ​ແຫ່ງ​ຊາດ ຫວຽດ​ນາມ ຊຸດ​ທີ 15

ທ່ານ​ປະ​ທານ​ສະ​ພາ​ແຫ່ງ​ຊາດ ເວືອງ​ດິ່ງ​ເຫວ​ະ: ​ປັບ​ປຸງບັນ​ດາ​ເອ​ກະ​ສານ​ໃຫ້​ສຳ​ເລັດ​ສົມ​ບູນ ເພື່ອ​ກະ​ກ​ຽມ​ໃຫ້​ແກ່​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 7, ສະ​ພາ​ແຫ່ງ​ຊາດ ຫວຽດ​ນາມ ຊຸດ​ທີ 15

ຄະນະປະຈຳສະພາແຫ່ງຊາດ ໄດ້ປະກອບຄຳເຫັນກ່ຽວກັບການອະພິປາຍ, ຮັບເອົາຄຳເຫັນ, ປັບປຸງຮ່າງກົດໝາຍວ່າດ້ວຍການສຳເນົາເອກະສານ (ສະບັບປັບປຸງ) ດ້ວຍຄວາມເຫັນດີເຫັນພ້ອມສູງຈາກບັນດາສະມາຊິກໃນຄະນະ, ມີພື້ນຖານເພື່ອໃຫ້ຄະນະປະຈຳສະພາແຫ່ງຊາດ ຍື່ນສະເໜີຕໍ່ສະພາແຫ່ງຊາດພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 7.

Top