ຂ່າວສານ
ທ່ານນາຍົກລັດຖະມົນຕີ ຟ້າມມິນຈິງ: ຍົກສູງຄຸນນະພາບຂໍ້ລິເລີ່ມເພື່ອນຳເຂົ້າການອອກແຮງງານທຳການຜະລິດໃນທັນທີ
ຕອນເຊົ້າວັນທີ 28 ທັນວາ, ທ່ານນາຍົກລັດຖະມົນຕີ ຟ້າມມິນຈິງ ໄດ້ເຂົ້າຮ່ວມລາຍການ “75.000 ຂໍ້ລິເລີ່ມ, ຜ່ານຜ່າຄວາມຫຍຸ້ງຍາກ, ການພັດທະນາ” ໂດຍສະຫະພັນໃຫຍ່ແຮງງານ ຫວຽດນາມ ຈັດຂຶ້ນ. ລາຍການດັ່ງກ່າວໄດ້ປຸກລະດົມພາຍຫຼັງກອງປະຊຸມໃຫຍ່ທົ່ວປະເທດຄັ້ງທີ XIII ຂອງພັກ ບັນລຸຜົນສຳເລັດ ແລະ ພາຍຫຼັງ 80 ວັນແຫ່ງການແຂ່ງຂັນຈຸດສຸມ, ໄດ້ມີກວ່າ 250.000 ຂໍ້ລິເລີ່ມເຂົ້າຮ່ວມດ້ວຍເນື້ອໃນທີ່ອຸດົມສົມບູນໃນຫຼາຍຂົງເຂດ, ຂະແໜງ, ອາຊີບ. ກ່າວຄຳເຫັນຢູ່ທີ່ນີ້, ທ່ານນາຍົກລັດຖະມົນຕີ ຟ້າມມິນຈິງ ເນັ້ນໜັກວ່າ: ພັກ ແລະ ລັດ ຍາມໃດກໍ່ຖືຂໍ້ລິເລີ່ມ, ບົດຮຽນປະສົບການຂອງປະຊາຊົນທຸກຊັ້ນວັນນະເປັນສຳຄັນ, ໂດຍສະເພາະແມ່ນຂໍ້ລິເລີ່ມ, ບົດຮຽນປະສົບການຈາກຜູ້ອອກແຮງງານ. ທ່ານນາຍົກລັດຖະມົນຕີຫວັງວ່າ ລາຍການຈະໄດ້ຮັບການເສີມຂະຫຍາຍຢ່າງແຮງ, ບັນລຸປະສິດທິຜົນ, ແທດຈິງ, ປະກອບສ່ວນໃຫ້ແກ່ແຕ່ລະອົງການ, ຫົວໜ່ວຍ, ສ່ວນບຸກຄົນໃຫ້ຫຼາຍກວ່າອີກ; ເຊື່ອໝັ້ນວ່າ ໃນໄລຍະຈະມາເຖິງຈະມີຂໍ້ລິເລີ່ມ, ມາດຕະການແກ້ໄຂທີ່ເປັນປະໂຫຍດ, ແທດຈິງຫຼາຍຢ່າງໃນວຽກງານປ້ອງກັນ, ຕ້ານໂລກລະບາດ, ໃນວິວັດທະນາການຟື້ນຟູ, ພັດທະນາເສດຖະກິດ ສັງຄົມ ເພື່ອນຳມາເຊິ່ງປະສິດທິຜົນສູງສຸດໃຫ້ແກ່ປະເທດຊາດ.
(ແຫຼ່ງຄັດຈາກ VOV)
