• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກໄປກວດກາວຽກງານການແກ້ໄຂຜົນຮ້າຍຈາກສະພາບນ້ຳຖ້ວມ

ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ໄປຢື້ຢາມຖາມຂ່າວ ແລະ ມອບຂອງຂວັນໃຫ້ບາງຄອບຄົວທີ່ຖືກຜົນເສຍຫາຍຢ່າງໜັກໜ່ວງຍ້ອນພາຍຸ  Molave ຢູ່ບັນດາແຂວງ ກວາງງ້າຍ ແລະ ກວາງນາມ.


ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ໄປຢື້ຢາມຖາມຂ່າວຄອບຄົວທີ່ຖືກຜົນເສຍຫາຍຢ່າງໜັກໜ່ວງຍ້ອນພາຍຸ  Molave ຢູ່ແຂວງ ກວາງງ້າຍ

(ພາບ: TTXVN)


ຕອນເຊົ້າວັນທີ 01 ພະຈິກ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ໄປຢື້ຢາມຖາມຂ່າວ ແລະ ມອບຂອງຂວັນໃຫ້ບາງຄອບຄົວທີ່ຖືກຜົນເສຍຫາຍຢ່າງໜັກໜ່ວງຍ້ອນພາຍຸ  Molave ຢູ່ບັນດາແຂວງ ກວາງງ້າຍ ແລະ ກວາງນາມ. ທ່ານນາຍົກລັດຖະມົນຕີ ກໍ່ໄປຢື້ຢາມຖາມຂ່າວ ແລະ ມອບຂອງຂວັນໃຫ້ບັນດາຄູອາຈານ ແລະ ນັກຮຽນຢູ່ເມືອງບິ່ງເຊີນ ທີ່ຖືກຜົນເສຍຫາຍຢ່າງໜັກໜ່ວງຈາກພາຍຸຫົວດັ່ງກ່າວ.

ເມື່ອໄປຢ້ຽມຢາມພໍ່ແມ່ປະຊາຊົນຢູ່ຕາແສງ ຕາມກວາງ, ເມືອງ ນຸ໊ຍແທັ່ງ, ແຂວງກວາງນາມ, ທ່ານນາຍົກລັດຖະມົນຕີ ໄດ້ສະເໜີໃຫ້ບັນດາກຳລັງກອງທັບ, ຕຳຫຼວດ ຈົ່ງຮີບເຮັ່ງໜູນຊ່ວຍປະຊາຊົນ ກັບຄືນສູ່ຊີວິດເປັນປົກກະຕິໂດຍໄວ; ພິເສດແມ່ນຍູ້ໄວການຟື້ນຟູພື້ນຖານໂຄງລ່າງຢູ່ບັນດາໂຮງໝໍ, ໂຮງຮຽນ. ທ່ານນາຍົກລັດຖະມົນຕີກໍ່ສະເໜີໃຫ້ແຂວງ ກວາງນາມ ແລະ ເມືອງ ນຸ໊ຍແທັ່ງ ສະຫງວນແຫຼ່ງເງິນໜູນຊ່ວຍຈາກສູນກາງ, ບັນດາແຫຼ່ງເງິນກູ້ຊ່ວຍ ເພື່ອໜູນຊ່ວຍໃຫ້ແກ່ປະຊາຊົນ, ບໍ່ປະໃຫ້ປະຊາຊົນຖືກອຶດຫິວ, ບໍ່ມີບ່ອນຢູ່ອາໄສ. ນອກນັ້ນ, ທ່ານນາຍົກລັດຖະມົນຕີ ກໍ່ໄດ້ໄປຢື້ຢາມຖາມຂ່າວບັນດາຜູ້ຮັບບາດເຈັບທີ່ພວມປິ່ນປົວຢູ່ໂຮງໝໍຫຼາຍຂະແໜງແຂວງກວາງນາມ.

ທີ່ບັນດາການພົບປະ, ທ່ານນາຍົກລັດຖະມົນຕີ ຫງວຽນຊວັນຟຸກ ກໍ່ປາດຖະໜາວ່າ, ອຳນາດການປົກຄອງ ແລະ ປະຊາຊົນຢູ່ບັນດາແຂວງທີ່ຖືກຜົນເສຍຫາຍຍ້ອນພາຍຸ, ນ້ຳຖ້ວມ ຕ້ອງເປັນເຈົ້າການແກ້ໄຂຜົນຮ້າຍຈາກພາຍຸນ້ຳຖ້ວມ, ພ້ອມທັງປະຕິບັດບັນດາມາດຕະການປ້ອງກັນ, ຕ້ານພາຍຸ Goni - ພາຍຸຫົວທີ 10 ແລະ ກໍ່ແມ່ນພາຍຸຫົວໃຫຍ່ທີ່ສຸດນັບແຕ່ຕົ້ນປີ 2020 ມາຮອດປະຈຸບັນໃຫ້ເປັນຢ່າງດີ, ຄາດວ່າຈະພັດເຂົ້າຝັ່ງໃນວັນທີ 04 ພະຈິກ.

ພາຍຫຼັງໄປກວດກາວຽກງານແກ້ໄຂຜົນສະທ້ອນຍ້ອນພາຍຸ, ນ້ຳຖ້້ວມຢູ່ແຂວງ ກວາງງ້າຍ ແລະ ກວາງນາມ. ຕອນບ່າຍວັນທີ 01 ພະຈິກ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເປັນປະທານການເຮັດວຽກກັບການນຳບັນດາແຂວງທາງພາກກາງ ທີ່ຖືກຜົນເສຍຫາຍຢ່າງໜັກໜ່ວງຈາກພາຍຸ Molave.

(ແຫຼ່ງຄັດຈາກ VOV)

ທ່ານ​ປະ​ທານ​ສະ​ພາ​ແຫ່ງ​ຊາດ ເວືອງ​ດິ່ງ​ເຫວ​ະ: ​ປັບ​ປຸງບັນ​ດາ​ເອ​ກະ​ສານ​ໃຫ້​ສຳ​ເລັດ​ສົມ​ບູນ ເພື່ອ​ກະ​ກ​ຽມ​ໃຫ້​ແກ່​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 7, ສະ​ພາ​ແຫ່ງ​ຊາດ ຫວຽດ​ນາມ ຊຸດ​ທີ 15

ທ່ານ​ປະ​ທານ​ສະ​ພາ​ແຫ່ງ​ຊາດ ເວືອງ​ດິ່ງ​ເຫວ​ະ: ​ປັບ​ປຸງບັນ​ດາ​ເອ​ກະ​ສານ​ໃຫ້​ສຳ​ເລັດ​ສົມ​ບູນ ເພື່ອ​ກະ​ກ​ຽມ​ໃຫ້​ແກ່​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 7, ສະ​ພາ​ແຫ່ງ​ຊາດ ຫວຽດ​ນາມ ຊຸດ​ທີ 15

ຄະນະປະຈຳສະພາແຫ່ງຊາດ ໄດ້ປະກອບຄຳເຫັນກ່ຽວກັບການອະພິປາຍ, ຮັບເອົາຄຳເຫັນ, ປັບປຸງຮ່າງກົດໝາຍວ່າດ້ວຍການສຳເນົາເອກະສານ (ສະບັບປັບປຸງ) ດ້ວຍຄວາມເຫັນດີເຫັນພ້ອມສູງຈາກບັນດາສະມາຊິກໃນຄະນະ, ມີພື້ນຖານເພື່ອໃຫ້ຄະນະປະຈຳສະພາແຫ່ງຊາດ ຍື່ນສະເໜີຕໍ່ສະພາແຫ່ງຊາດພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 7.

Top