ຂ່າວສານ

ທ່ານນາຍົກລັດຖະມົນຕີຫງວຽນຊວນຟຸກຕ້ອນຮັບລັດຖະມົນຕີການຕ່າງປະເທດອັກຊັງຕີນ

01/08/2018

ຕອນເຊົ້າວັນທີ 31 ກໍລະກົດ ຢູ່ ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕ້ອນຮັບທ່ານ Jorge Faurie ລັດຖະມົນຕີການຕ່າງປະເທດ ແລະ ສາສະຫນາ ອັງຊັງຕີນ .

ນະທີ່ນີ້ ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນ: ຍາມໃດຫວຽດນາມ ກໍ່ຖືອັກຊັງຕີນ ແມ່ນຄູ່ຮ່ວມມືສຳຄັນຢູ່ພາກພື້ນ ອາເມລິກາລາຕີນ ແລະ ໄລຍະຜ່ານມາ ການພົວພັນຮ່ວມມືລະຫວ່າງສອງປະເທດແມ່ນພັດທະນາອັນດີງາມ. ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ ສອງຝ່າຍຄວນເອົາໃຈໃສ່ຍູ້ແຮງການແລກປ່ຽນດ້ານການຄ້າ, ການລົງທຶນ ເພາະວ່າ ຂົງເຂດນີ້ ຍັງມີຄວາມສາມາດບົ່ມຊ້ອນຫລາຍຢ່າງ. ທ່ານນາຍົກລັດຖະມົນຕີ ສະເຫນີ ບັນດາອົງການກ່ຽວຂ້ອງສອງຝ່າຍ ຈັດຕັ້ງບັນດາເວທີປາໄສວິສາຫະກິດ ເພື່ອຊອກຫາກາລະໂອກາດການລົງທຶນ, ທຳມາຫາກິນ. ທ່ານນາຍົກລັດຖະມົນຕີ ກໍ່ປາດຖະຫນາຢາກຍູ້ແຮງການຮ່ວມມືກັບ ອັກຊັງຕີນ ໃນຂົງເຂດບານເຕະ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.