ຂ່າວສານ

ຕ້ອນຮັບພົນລະເມືອງ ຫວຽດນາມ 14 ຄົນທຳອິດ ທີ່ຍົກຍ້າຍມາຈາກເຂດສູ້ຮົບຮົບ Kherson ຂອງ ຢູແກຼນ ມາຍັງ ລັດເຊຍ

15/03/2022

ວັນທີ 13 ມີນາ, ຄະນະປະຕິບັດງານສະຖານທູດ ຫວຽດນາມ ປະຈຳນະຄອນ Krasnodar ໄດ້ສົມທົບກັບສະມາຄົມຊາວ ຫວຽດນາມ ຢູ່ ນະຄອນ Krasnodar ຕ້ອນຮັບພົນລະເມືອງ 14 ຄົນ ທີ່ໄດ້ຍົກຍ້າຍມາຈາກເຂດບັ້ນຮົບຢູ່ ຢູແກຼນ ມາຍັງແຂວງ Krasnodar ຂອງ ສະຫະພັນ ລັດເຊຍ.

ສະຖານທູດ ຫວຽດນາມ ສົມທົບກັບ ສະມາຄົມຊາວ ຫວຽດນາມ ຕ້ອນຮັບພົນລະເມືອງ ຫວຽດນາມ 14 ຄົນທຳອິດ ທີ່ຍົກຍ້າຍມາຈາກເຂດສູ້ຮົບຮົບ Kherson ຂອງ ຢູແກຼນ ມາຍັງ ລັດເຊຍ (ພາບ: TTXVN)

ທ່ານ ຫວູເຊີນຫວຽດ, ເລຂາທີໜຶ່ງ ສະຖານທູດ ຫວຽດນາມ ປະຈຳ ສະຫະພັນ ລັດເຊຍ ໃຫ້ຮູ້ວ່າ ການຕ້ອນຮັບຊາວ ຫວຽດນາມ ທີ່ຍົກຍ້າຍມາຈາກ Kherson ແມ່ນສັບສົນພໍສົມຄວນ ຍ້ອນສະພາບສົງຄາມຍັງມີຄວາມເຄັ່ງຕຶງຢູ່. ຕາມທ່ານແລ້ວ, ຝ່າຍ ລັດເຊຍ ໄດ້ໃຫ້ການໜູນຊ່ວຍຢ່າງຕັ້ງໜ້າໃນການຮັບປະກັນຄວາມປອດໄພໃຫ້ແກ່ພໍ່ແມ່ພີ່ນ້ອງຊາວ ຫວຽດນາມ ໃນການຍົກຍ້າຍອອກຈາກເຂດສູ້ຮົບໄປຍັງບ່ອນທີ່ປອດໄພ. ສະຖານທູດພ້ອມແລ້ວທີ່ຈະໜູນຊ່ວຍພໍ່ແມ່ພີ່ນ້ອງເຮັດລະບຽບການຕ່າງໆໃຫ້ສຳເລັດໃນເວລາໄວທີ່ສຸດ.

(ແຫຼ່ງຄັດຈາກ VOV)

ເລຂາທິການໃຫຍ່, ປະທານປະເທດ ໂຕເລິມ: ຫວຽດນາມ ພັດທະນາຢ່າງຂະຫຍັນຂັນເຄື່ອນ, ບໍລິຫານຢ່າງມີປະສິດທິຜົນ

31/05/2026
ຂ່າວສານ

ປັດຈຸບັນ, ຫວຽດນາມ ພວມຜັນຂະຫຍາຍການສັບຊ້ອນກົງຈັດລັດໃຫ້ກະທັດລັດຢ່າງແຮງ, ປັບປຸງລະບອບລະບຽບການໃຫ້ສົມບູນແບບ ແລະ ຍົກສູງກຳລັງຄວາມສາມາດບໍລິຫານແຫ່ງຊາດ. ເປົົ້າໝາຍໃຫຍ່ສຸດແມ່ນເພື່ອສ້າງກຳລັງໜູນພັດທະນາໃໝ່, ຍົກສູງກຳລັງແຮງແກ້ງແຍ້ງ ແລະ ກຳລັງແຮງທົນທານຂອງປະເທດ ໃນສະພາບການໂລກມີການຜັນແປຢ່າງວ່ອງໄວ ແລະ ສັບສົນ.