ຂ່າວສານ

ດ່າໜັງມີຜູ້ຕິດເຊື້ອໂຄວິດ - 19 ໃໝ່ຕື່ມອີກ 12 ຄົນ

02/08/2020

ນັບແຕ່ເວລາ 18 ໂມງຂອງວັນທີ 31 ກໍລະກົດ ຫາ ເວລາ 6 ໂມງເຊົ້າຂອງວັນທີ 01 ສິງຫາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ໃນຊຸມຊົນຕື່ມອີກ 12 ຄົນ, ໃນນັ້ນ 5 ຄົນແມ່ນຢູ່ແຂວງກວ໋າງນາມ.

ໄລ່ຮອດຕອນເຊົ້າວັນທີ 01 ສິງຫາ, ຫວຽດນາມໄດ້ຢັ້ງຢືນມີຜູ້ຕິດເຊື້ອທັງໝົດ 558 ຄົນ (ພາບ: ກະຊວງສາທາລະນະສຸກ)

ຕາມແຫຼ່ງຂ່າວຈາກຄະນະກໍາມະການຊີ້ນໍາແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ຮູ້ວ່າ: ນັບແຕ່ເວລາ 18 ໂມງຂອງວັນທີ 31 ກໍລະກົດ ຫາ ເວລາ 6 ໂມງເຊົ້າຂອງວັນທີ 01 ສິງຫາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ໃນຊຸມຊົນຕື່ມອີກ 12 ຄົນ, ໃນນັ້ນ 5 ຄົນແມ່ນຢູ່ແຂວງກວ໋າງນາມ.

ເປັນອັນວ່າໄລ່ຮອດຕອນເຊົ້າວັນທີ 01 ສິງຫາ, ຫວຽດນາມໄດ້ຢັ້ງຢືນມີຜູ້ຕິດເຊື້ອທັງໝົດ 558 ຄົນ, ໃນນັ້ນ ມີ 302 ຄົນແມ່ນກັບມາຈາກຕ່າງປະເທດ ແລະ ໄດ້ປະຕິບັດການແຍກຕົວໃນທັນທີ, ສ່ວນຜູ້ຕິດເຊື້ອໃໝ່ຈໍານວນ 116 ຄົນ ລ້ວນແຕ່ມີສ່ວນກ່ຽວຂ້ອງເຖິງນະຄອນດ່າໜັງ ນັບແຕ່ວັນທີ 25 ກໍລະກົດ ຈົນມາຮອດປັດຈຸບັນ.

ຕາມການລາຍງານຈາກອະນຸກໍາມະການປິ່ນປົວ, ຄະນະຊີ້ນໍາແຫ່ງຊາດກ່ຽວກັບການປ້ອງກັນ, ສະກັດກ້ັນໂລກລະບາດໂຄວິດ - 19 ແລ້ວ, ໄລ່ຮອດຈຸດເວລານີ້, ມີ 373/558 ກໍລະນີຕິດເຊື້ອຢູ່ຫວຽດນາມ ແມ່ນໄດ້ຮັບການປິ່ນປົວຫາຍດີແລ້ວ ແລະ ມີ 3 ກໍລະນີເສຍຊີວິດ ຍ້ອນພວກກ່ຽວມີພະຍາດປະຈໍາຕົວເປັນມະເຮັງເລືອດ, ໝາກໄຂ່ຫຼັງຊຸດໂຊມ ແລະ ປອດອັກເສບ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.