ຊາປາ - ສະຖານທີ່ທ່ອງທ່ຽວທີ່ສວຍງາມ (ພາບ: bestprice.vn)  

ຫວ່າງແລ້ວນີ້, ວາລະສານທ່ອງທ່ຽວສາກົນ Conde Nast Traveler ໄດ້ຄັດເລືອກເອົາ 50 ເທດສະບານເມືອງນ້ອຍທີ່ສວຍງາມທີ່ສຸດໃນໂລກ, ໃນນັ້ນ ມີເທດສະບານເມືອງ ຊາປາ (ແຂວງ ລາວກາຍ) ຂອງ ຫວຽດນາມ.

ຕາມການແນະນຳຂອງ Conde Nast Traveler, ຊາປາ ແມ່ນເທດສະບານເມືອງຢູ່ເຂດພູດອຍທີ່ສະຫງົບງຽບ ນອນຢູ່ແຂວງ ລາວກາຍ, ທາງທິດຕາເວັນຕົກ ພາກເໜືອຂອງ ຫວຽດນາມ. ດິນແດນແຫ່ງນີ້ ໄດ້ເປັນທີຮູ້ຈັກກັນດີດ້ວຍທັດສະນີຍະພາບຂອງພູຜາປ່າໄມ້ທີ່ໃຫຍ່ໂຕມະໂຫຖານ, ມີນາຂັ້ນໄດທີ່ກວ້າງໃຫຍ່ຈົນສຸດສາຍຕາ, ນ້ຳຕົກຕາດທີ່ງົດງາມດັ່ງໃນຝັນ ແລະ ເສັ້ນທາງຄົດງໍ. ບໍ່ພຽງແຕ່ເທົ່ານັ້ນ Conde Nast Traveler ຍັງເນັ້ນໜັກເຖິງຫຼາຍສະຖານທີ່ທ່ອງທ່ຽວທີ່ສວຍງາມຢູ່ອ້ອມເທດສະບານເມືອງດັ່ງກ່າວພວມລໍຖ້າແຂກທ່ອງທ່ຽວມາຢ້ຽມຊົມອີກດ້ວຍ.