ພາບປະກອບ
ທ້າຍອາທິດຜ່ານມາ, ຄະນະຄຸ້ມຄອງລາຍການ “ຍົກສູງກຳລັງແກ່ງແຍ້ງໃນການສົ່ງອອກໃຫ້ບັນດາວິສາຫະກິດຂະໜາດນ້ອຍ ແລະ ກາງ ຫວຽດນາມ ສົມທົບກັບຫ້ອງການຕາງໜ້າຂອງກົມສົ່ງເສີມການຄ້າຢູ່ນິວຢອກ ໄດ້ຈັດຕັ້ງການໂອ້ລົມສົນທະນາກ່ຽວກັບການຊອກຫາກາລະໂອກາດໃຫ້ແກ່ຊາຂຽວ ຫວຽດນາມ ຢູ່ຕະຫຼາດ ອາເມລິກາ” ທີ່ການໂອ້ລົມສົນທະນາ, ບັນດານັກຊ່ຽວຊານ ລ້ວນແຕ່ໄດ້ຕີລາຄາສູງຄວາມສາມາດບົ່ມຊ້ອນຂອງ ຊາ ຫວຽດນາມ ຢູ່ຕະຫຼາດ ອາເມລິກາ. ຕາມບັນດານັກຊ່ຽວຊານແລ້ວ, ບັນດານັກຜະລິດຊາ ຫວຽດນາມ ໄດ້ຮັບການຮູ້ຈັກຈາກລູກຄ້າສາກົນກ່ຽວກັບຄວາມສາມາດໃນການສະໜອງຊາດ້ວຍປະລິມານໃຫຍ່, ລາຄາຖືກ ແລະ ຄຸນນະພາບສົ່ງອອກປານກາງ. ສິ່ງທ້າທາຍໃຫຍ່ຫຼວງໃນຕໍ່ໜ້າແມ່ນຕ້ອງປ່ຽນແປງພາບພົດນີ້ດ້ວຍການເຂົ້າຮ່ວມເຂົ້າຮ່ວມລະບົບມູນຄ່າຢ່າງເລິກເຊິ່ງ. ແຕ່ລະປີ, ຊາວ ອາເມລິກາ ໄດ້ຈ່າຍເງິນຈຳນວນກ່ວາ 80 ຕື້ USD ໃຫ້ແກ່ບັນດາຜະລິດຕະພັນຊາ. ນີ້ຖືກຖືວ່າແມ່ນຕະຫຼາດທີ່ມີຄວາມສາມາດບົ່ມຊ້ອນໃຫ້ຜະລິດຕະພັນຊາ ທີ່ມີຄຸນນະພາບສູງຂອງ ຫວຽດນາມ. ແຕ່ເຖິງຢ່າງໃດກໍ່ຕາມ, ບັນດານັກຊ່ຽວຊານຊາສາກົນເນັ້ນໜັກວ່າ: ອາເມລິກາ ແມ່ນຕະຫຼາດທີ່ມີຄວາມຮຽກຮ້ອງຄຸນນະພາບສູງ, ສຸຂະອະນາໄມດ້ານອາຫານ. ດັ່ງນັ້ນ, ເພື່ອສ້າງເຄື່ອງໝາຍການຄ້າຢູ່ ອາເມລິກາ, ໄດ້ບັນດານັກຊ່ຽວຊານໄດ້ສະເໜີແນະບັນດາບໍລິສັດ ຫວຽດນາມ ລົງທຶນຍົກສູງຄຸນນະພາບຜະລິດຕະພັນ, ຮັບປະກັນຮູບແບບ ແລະ ສຸຂະອະນາໄມດ້ານອາຫານ.
(ແຫຼ່ງຄັດຈາກ VOV)
