ທີ່ການເຈລະຈາທາງໂທລະສັບ, ທ່ານລັດຖະມົນຕີ ຫວ່າງອີ ໄດ້ສະເໜີບາງມາດຕະການປະກອບສ່ວນເຂົ້າໃນການແກ້ໄຂວິກິດການຢູ່ ມຽນມາ, ໃນນັ້ນມີການພົບປະກັບທຸກຝ່າຍຢູ່ ມຽນມາ ຢ່າງສົມເຫດສົມຜົນ, ສ້າງຄວາມໄວ້ເນື້ອເຊື່ອໃຈເທື່ອລະກ້າວ, ກໍ່ຄືສະຫງວນບຸລິມະສິດແຖວໜ້າໃຫ້ແກ່ເລື່ອງໜູນຊ່ວຍ ມຽນມາ ໃນບັ້ນຕໍ່ສູ້ຕ້ານໂລກລະບາດໂຄວິດ - 19. ຄຽງຂ້າງນັ້ນ, ທ່ານລັດຖະມົນຕີກະຊວງການຕ່າງປະເທດຈີນ ກໍ່ຍົກສູງບົດບາດຂອງ ບຣູໄນ ຊື່ງແມ່ນປະເທດພວມດຳລົງຕຳແໜ່ງປະທານໜູນວຽນອາຊຽນ, ຕໍ່ການພັດທະນາຂອງການພົວພັນລະຫວ່າງ ຈີນ ແລະ ອາຊຽນ.
ແລະກໍ່ໃນວັນດຽວກັນ, ທ່ານລັດຖະມົນຕີກະຊວງການຕ່າງປະເທດ ສ.ເກົາຫຼີ Chung Eui-yong ແລະ ຄູ່ຮ່ວມຕຳແໜ່ງ ບຣູໄນ ທ່ານ Erywan Yusof ກໍ່ໄດ້ມີການເຈລະຈາທາງໂທລະສັບ ເພື່ອປຶກສາຫາລືກ່ຽວກັບບັນຫາການຮ່ວມມືດ້ານມະນຸດສະທຳ ແລະ ບັນດາບັນຫາທີ່ກ່ຽວຂ້ອງເຖິງ ມຽນມາ. ຖະແຫຼງການຂອງກະຊວງການຕ່າງປະເທດ ສ.ເກົາຫຼີ ໄດ້ຊີ້ແຈ້ງວ່າ ສອງຝ່າຍໄດ້ເຫັນດີເປັນເອກະພາບວ່າຈະມີການຮ່ວມມືຢ່າງຕັ້ງໜ້າ ເພື່ອຊ່ວຍແກ້ໄຂວິກິດການປັດຈຸບັນຢູ່ ມຽນມາ, ກໍ່ຄືຮັບປະກັນບັນດາກອງປະຊຸມຂັ້ນສູງໂດຍ ອາຊຽນ ເປັນເຈົ້າພາບຈັດຂຶ້ນ ເຊິ່ງຄາດວ່າຈະປະສົບຜົນສຳເລັດໃນເດືອນ ຕຸລາ ຈະມາເຖິງ.
(ແຫຼ່ງຄັດຈາກ VOV)
