ຂ່າວສານ

ຈີນມີປະຕິກິລິຍາຢ່າງຮຸນແຮງກ່ຽວກັບບັນຊີລາຍຊື່ບັນດາຜະລິດຕະພັນຈະຖືກອາເມລິກາຈັດວາງພາສີເພີ່ມເຕີມ

05/04/2018

ວັນທີ 03 ເມສາ, ຈີນ ໄດ້ກ່າວປະນາມຢ່າງຮຸນແຮງກ່ຽວກັບເລື່ອງ ອາເມລິກາ ປະກາດບັນຊີລາຍຊື່ບັນດາຜະລິດຕະພັນນຳເຂົ້າຈາກຈີນ ເຊິ່ງຈະຖືກຈັດວາງອັດຕາພາສີເພີມເຕີ່ມ, ພ້ອມທັງກ່າວເຕືອນວ່າ ປັກກິງ ພ້ອມແລ້ວທີ່ຈະມີບັນດາມາດຕະການໂຕ້ຕອບ.

(ພາບປະກອບ: THX/TTXVN)

ຄຳກ່າວເຕືອນດັ່ງກ່າວໂດຍກະຊວງການຄ້າຈີນ ຍົກອອກມາ ໃນຈຸດເວລາທີ່ອາເມລິກາ ແລະ ຈີນ ນັບມື້ນັບມີສັນຍານຊີ້ໃຫ້ເຫັນວ່າ ພວມຕົກເຂົ້າສູ່ສົງຄາມທາງດ້ານການຄ້າ. ຂໍ້ຕົກລົງຂອງຫ້ອງການຕາງໜ້າການຄ້າອາເມລິກາ (USTR) ປະກາດບັນຊີລາຍຊື່ບັນດາຜະລິດຕະພັນຂອງຈີນ ຈະຖືກຈັດວາງອັດຕາພາສີເພີ່ມເຕີມ ຖືກດຳເນີນພາຍຫຼັງທີ່ຈີນ ປະກາດຢຸດຕິການໃຫ້ບຸລິມະສິດສຳລັບ 128 ຜະລິດຕະພັນຂອງອາເມລິກາ ພຽງໜຶ່ງວັນ, ແທນທີ່ດ້ວຍການຈັດວາງອັດຕາພາສີ 15% - 25% ສຳລັບບັນດາປະເພດສິນຄ້າດັ່ງກ່າວ, ໃນນັ້ນລວມມີຊີ້ນໝູ ແລະ ໝາກໄມ້. ບັນດາຂະແໜງອຸດສາຫະກຳຂອງຈີນ ຖືກຈັດວາງພາສີລວມມີ: ການບິນອາວະກາດ, ເຕັກໂນໂລຊີຂໍ້ມູນຂ່າວສານ ແລະ ສື່ສານ, ຫຸ່ນຍົນ, ເຄື່ອງຈັກ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.