ທ່ານ ຮ່ິງເຕິ໊ນຫວຽດ, ກຳມະການສູນກາງພັກ, ເລຂາພັກແຂວງ, ປະທານສະພາປະຊາຊົນແຂວງ ຟຸ໊ອຽນ (ພາບ: baophuyen.com.vn)
ໃນໄລຍະຢູ່ ອິນເດຍ, ຄະນະໄດ້ເຂົ້າຢ້ຽມຂ່ຳນັບທ່ານ Ram Madhav ເລຂາທິການໃຫຍ່ທົ່ວປະເທດພັກປະຊາຊົນ ອິນເດຍ (BJP) ກຳອຳນາດ, ທ່ານ Doraisamy Raja ເລຂາທິການໃຫຍ່ພັກກອມມູນິດອິນເດຍ, ທ່ານ Marxist ຜູ້ຕາງໜ້າຄະນະການນຳຂອງພັກກອມມູນິດ ອິນເດຍ, ພົບປະ ແລະ ເຮັດວຽກກັບລັດຖະມົນຕີ ກະຊວງອຸດສາຫະກຳ ແລະ ການຄ້າ ອິນເດຍ…
ທີ່ບັນດາການຕ້ອນຮັບ ແລະ ເຮັດວຽກ, ຄະນະຜູ້ແທນພັກກອມມູນິດ ຫວຽດນາມ ໄດ້ຂອບໃຈລັດຖະບານ, ບັນດາພັກການເມືອງ ແລະ ປະຊາຊົນ ອິນເດຍ ໄດ້, ພວມ ແລະ ຈະສືບຕໍ່ສະໜັບສະໜູນ ຫວຽດນາມ ໃນພາລະກິດຕໍ່ສູ້ຍາດເອົາເອກະລາດແຫ່ງຊາດ ໃນເມື່ອກ່ອນ, ກໍ່ຄືໃນພາລະກິດສ້າງສາ ແລະ ປົກປັກຮັກສາປະເທດຊາດໃນປັດຈຸບັນ, ພິເສດແມ່ນ ຮຽກຮ້ອງໃຫ້ ຝ່າຍ ອິນເດຍຕັ້ງໜ້າ ສະໜັບສະໜູນທັດສະນະຂອງ ຫວຽດນາມກ່ຽວກັບບັນຫາທະເລຕາເວັນອອກໃຫ້ຫຼາຍ ກ່ວາອີກ, ສະເໜີຝ່າຍ ອິນເດຍ ມີມາດຕະການແກ້ໄຂບາງບັນຫາທີ່ເກີດຂຶ້ນໃນການພົວພັນການຄ້າ ລະຫວ່າງສອງປະເທດໂດຍໄວ.
ໃນບັນດາການຢ້ຽມຢາມ ແລະ ເຮັດວຽກ, ການນຳບັນດາພັກການເມືອງ ແລະ ບັນດາກະຊວງ, ຂະແໜງການ ອິນເດຍ ລ້ວນແຕ່ສະແດງໃຫ້ເຫັນຄວາມປາດຖະໜາຢາກເພີ່ມທະວີການພົວພັນກັບພັກ ແລະ ລັດຖະບານ ຫວຽດນາມ, ຢັ້ງຢືນ ວ່າ ຫວຽດນາມ ຍາມໃດກໍ່ແມ່ນບຸລິມະສິດສຳຄັນໃນນະໂຍບາຍກະທຳມຸ່ງໄປເຖິງທິດຕາເວັນອອກຂອງອິນເດຍ.
(ແຫຼ່ງຄັດຈາກ VOV)
