ຂ່າວສານ

ຄວາມເຄັ່ງຕຶງຢູ່ເຂດຕາເວັນອອກກາງ: ປະຊາຄົມສາກົນມານະພະຍາຍາມເພື່ອແນໃສ່ຢຸດຕິການປະທະກັນຢູ່ເຂດກາຊາ

15/01/2025

ໃນວັນທີ 13 ມັງກອນ, ກາຕາ ໃຫ້ຮູ້ວ່າ ໄດ້ມອບຮ່າງຂໍ້ຕົກລົງຢຸດຍິງ ແລະ ປ່ອຍຕົວປະກັນສະບັບສຸດທ້າຍໃຫ້ທັງສອງຝ່າຍເພື່ອແນໃສ່ຢຸດຕິການປະທະກັນຢູ່ເຂດກາຊາ.

ພາບປະກອບ: IRNA/TTXVN

ກາຕາ ແມ່ນປະເທດສວມບົດບາດເປັນກາງໄກເກ່ຍໃນການເຈລະຈາສັນຕິພາບລະຫວ່າງ ອິດສະລາແອັນ ແລະ ຮາມາດ, ໃນວັນທີ 13 ມັງກອນ, ປະເທດນີ້ໃຫ້ຮູ້ວ່າ ໄດ້ມອບຮ່າງຂໍ້ຕົກລົງຢຸດຍິງ ແລະ ປ່ອຍຕົວປະກັນສະບັບສຸດທ້າຍໃຫ້ທັງສອງຝ່າຍເພື່ອແນໃສ່ຢຸດຕິການປະທະກັນຢູ່ເຂດກາຊາ. ການກະທຳນີ້ໄດ້ດຳເນີນໃນການເຈລະຈາທີ່ໄດ້ຈັດຂຶ້ນຢູ່ ໂດຮາ (ກາຕາ) ທີ່ມີການເຂົ້າຮ່ວມຂອງຄະນະຜູ້ແທນ ອິດສະລາແອັນ ພ້ອມກັບ ທ່ານ Steve Witkoff ທູດພິເສດຮັບຜິດຊອບເຂດຕາເວັນອອກກາງ ຂອງທ່ານປະທານາທາບໍດີ ອາເມລິກາ Donald Trump, ທ່ານ Mohammed bin Abdulrahman bin Jassim Al Thani ນາຍົກລັດຖະມົນຕີ ທັງເປັນລັດຖະມົນຕີກະຊວງການຕ່າງປະເທດ ກາຕາ. ເຈົ້າໜ້າທີ່ ອິດສະລາແອັນຄົນໜຶ່ງ ໃຫ້ຮູ້ວ່າ ການເຈລະຈາໄດ້ດຳເນີນໄປຢ່າງຕັ້ງໜ້າ, ດ້ວຍເລື່ອງອິດສະລາແອັນ ຜ່ອນສັ້ນຜ່ອນຍາວ ແລະ ລໍຖ້າການຕອບກັບຂອງຝ່າຍ ຮາມາດ. ຖ້າວ່າທັງສອງມີຄວາມເຫັນດີ, ຂໍ້ຕົກລົງອາດຈະສຳເລັດໃນ ສອງຫາສາມວັນຈະມາເຖິງ.

(ແຫຼ່ງຄັດຈາກ VOV)

ທ່ານນາຍົກລັດຖະມົນຕີ ຟ້າມມິງຈິງ ແລະ ທ່ານນາຍົກລັດຖະມົນຕີ ສະຫະພັນ ລັດເຊຍ Mikhail Mishustin ສົນທະນາກັບວິສາຫະກິດ

15/01/2025
ຂ່າວສານ

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ Mikhail Mishustin ເປັນເຈົ້າພາບກອງປະຊຸມສົນທະນາວິສາຫະກິດຂັ້ນສູງ ຫວຽດນາມ - ສະຫະພັນ ລັດເຊຍ ດ້ວຍຫົວຂໍ້ “ພັດທະນາການຄ້າ - ການລົງທຶນ, ພະລັງງານ ແລະ ການຂົນສົ່ງ ຫວຽດນາມ - ສະຫະພັນ ລັດເຊຍ ແບບຍືນຍົງ”.