ຂ່າວສານ

ຄວາມມານະພະຍາຍາມປ່ຽນໃຫມ່, ການປະດິດຄິດສ້າງ, ການເຄື່ອນໄຫວຢ່າງຂ້ຽວຂາດໃນປີ 2019

02/01/2019

ຄວາມມານະພະຍາຍາມປ່ຽນໃຫມ່, ການປະດິດຄິດສ້າງ, ການເຄື່ອນໄຫວຢ່າງຂ້ຽວຂາດ ສູ້ຊົນປະຕິບັດແຜນການປີ 2019 ຢ່າງມີໄຊ, ສ້າງພື້ນຖານໃຫ້ແກ່ການພັດທະນາຢ່າງວ່ອງໄວ ແລະ ຍືນຍົງ ນັ້ນແມ່ນຫົວຂໍ້ບົດຂຽນຂອງທ່ານນາຍົກລັດຖະມົນຕີ ຫງວຽນຊວນຟຸກ ເນື່ອງໃນໂອກາດຕົ້ນປີໃຫມ່ 2019.

ທ່ານນາຍົກລັດຖະມົນຕີ ຫງວຽນຊວນຟຸກ
ພາບ: vietnam+

ໃນບົດຂຽນ ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ທົບທວນຄືນ ແລະ ຕີລາຄາສູງບັນດາຜົນງານຊື່ງປະຊາຊົນ ຫວຽດນາມ ຍາດມາໄດ້ ໃນປີ 2018. ທ່ານນາຍົກລັດຖະມົນຕີ ຊີ້ແຈ້ງວ່າ ປີ 2019 ແມ່ນປີ ຫວຽດນາມ ຈະບັນລຸບາດກ້າວບຸກທະລຸໃນບັນດາຂົງເຂດ, ສູ້ຊົນປະຕິບັດໝາກຜົນສູງສຸດກ່ຽວກັບການພັດທະນາເສດຖະກິດສັງຄົມ. ລັດຖະບານ ຈະຕັດສິນໃຈຍູ້ແຮງການປະຕິຮູບດ້ານບໍລິຫານ, ສ້າງລັດຖະບານເອເລັກໂຕນິກ, ເພີ່ມທະວີການປ້ອງກັນຕ້ານການສໍ້ລາດບັງຫລວງ ການຟຸມເຟືອຍ. ມ້ວນທ້າຍບົດຂຽນ ທ່ານນາຍົກລັດຖະມົນຕີ ມີຄວາມເຊື່ອໝັ້ນວ່າ ດ້ວຍການເຂົ້າຮ່ວມຂອງທັງລະບົບການເມືອງ, ຄວາມມານະພະຍາຍາມ, ການປະດິດຄິດສ້າງຂອງປະຊາຄົມວິສາຫະກິດ, ປະຊາຊົນທຸກຊັ້ນວັນນະ, ຫວຽດນາມ ຈະມານະພະຍາຍາມສູ້ຊົນດ້ວຍຄວາມຕັດສິນໃຈຢ່າງສູງສຸດເພືື່ອປະຕິບັດບັນດາເປົ້າໝາຍ,ຫນ້າທີ່ຂອງປີ 2019 ທີ່ວາງອອກຢ່າງມີໄຊ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.