• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຄວາມຄາດຫວັງກ່ຽວກັບເຂດທົ່ງພຽງແມ່ນ້ຳຂອງທີ່ອຸດົ​ມຮັ່ງມີ, ວັດທະນາຖາວອນ

ຕອນເຊົ້າວັນທີ 13 ມີນາ, ທີ່ນະຄອນ ເກີນເທີ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ເປັນປະທານກອງປະຊຸມຄັ້ງທີ 3 ກ່ຽວກັບການພັດທະນາແບບຍືນຍົງເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຮັບມືກັບການປ່ຽນແປງຂອງດິນຟ້າອາກາດ.
ກອງປະຊຸມຄັ້ງທີ 3 ກ່ຽວກັບການພັດທະນາແບບຍືນຍົງເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ 

ບົດລາຍງານຕີລາຄາໄລຍະ 3 ປີແຫ່ງການຜັນຂະຫຍາຍປະຕິບັດມະຕິ 120 ກ່ຽວກັບການພັດທະນາແບບຍືນຍົງເຂດທົ່ງພຽງແມ່ນ້ຳຂອງຮັບມືກັບການປ່ຽນແປງຂອງດິນຟ້າອາກາດ, ທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ ຊີ້ແຈ້ງວ່າ ມະຕິດັ່ງກ່າວແມ່ນບາດກ້າວບຸກທະລຸໃຫຍ່, ມີຄວາມໝາຍເປັນຮູບປະທຳຍຸດທະສາດການພັດທະນາແບບຍືນຍົງເຂດທົ່ງພຽງແມ່ນ້ຳຂອງຕາມທິດສັງລວມ ດ້ວຍວິໄສທັດໄລຍະຍາວ ແລະ ຄວາມຄາດຫວັງກ່ຽວກັບເຂດທົ່ງພຽງແມ່ນ້ຳຂອງທີ່ອຸດົມຮັ່ງມີ, ວັດທະນາຖາວອນ, ຖືປະຊາຊົນເປັນໃຈກາງ,ຖືການນຳໃຊ້ຊັບພະຍາກອນນ້ຳ, ທີ່ດິນແບບປະຢັດ ແລະ ຍືນຍົງຢ່າງມີປະສິດທິຜົນ ແມ່ນທິດສະດີການພັດທະນາ. ທ່ານ ເຈິ່ນຮົ່ງຮ່າ ເນັ້ນໜັກວ່າ:

        “ພາຍຫລັງຜັນຂະຫຍາຍມະຕິມາເປັນເວລາກ່ວາ 3 ປີ, ອາດຢັ້ງຢືນໄດ້ວ່າ ເຂດທົ່ງພຽງແມ່ນ້ຳຂອງໄດ້ມີການຫັນປ່ຽນຢ່າງແຮງ ດ້ວຍຄວາມກ້າວໜ້າທັງໃນຈິນຕະນາການ ແລະ ການກະທຳ, ເປັນເຈົ້າໃນການຮັບມືຕໍ່ບັນດາການກະທົບຈາກການປ່ຽນແປງຂອງດິນຟ້າອາກາດ, ຖືນ້ຳແກ່ງ, ນ້ຳເຄັມ ແມ່ນຊັບພະຍາກອນເພື່ອພັດທະນາເສດຖະກິດ. ກ່ຽວກັບວິທີຫາເງິນລ້ຽງຊີບ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງເທື່ອລະກ້າວ, ສະພາບການພັດທະນາເຂດທົ່ງພຽງແມ່ນ້ຳຂອງນັບມື້ນັບດີຂຶ້ນ. ປະສິດທິຜົນຈາກການຈັດແບ່ງເຂດ, ຫັນປ່ຽນການຜະລິດຕາມທິດ “ການປ່ຽນແປງຂອງດິນຟ້າອາກາດ” ໄດ້ພິສູດໃຫ້ເຫັນການເຕີບໂຕ GDP ຢູ່ເຂດຊົນນະບົດຍາມໃດກໍ່ຢູ່ໃນລະດັບສູງ.

     ທີ່ກອງປະຊຸມ, ທ່ານນາງ Carolyn Turk, ຜູ້ອຳນວຍການແຫ່ງຊາດທະນາຄານໂລກປະຈຳ ຫວຽດນາມ ຖືວ່າ: ເລື່ອງນຳການວາງແຜນຜັງເຂດເຂົ້າໃນພຶດຕິກຳຕົວຈິງ ເພື່ອຜັນຂະຫຍາຍ ຍັງແມ່ນສິ່ງທ້າທາຍຫຍຸ້ງຍາກ, ຮຽກຮ້ອງຄວາມມານະພະຍາຍາມຂອງລັດຖະບານ, ບັນດາທ້ອງຖິ່ນ ດ້ວຍແຜນການປະຕິບັດຢ່າງມີປະສິດທິຜົນ.
ສະຫລຸບກອງປະຊຸມ,ທ່ານນາຍົກລັດຖະມົນຕີ ຫງວຽນຊວັນຝູກ ຢືນຢັນ: ເຂດທົ່ງພຽງແມ່ນ້ຳຂອງມີທີ່ຕັ້ງຍຸດທະສາດ ສະນັ້ນບັນດາກະຊວງ, ຂະແຫນງການ ແລະທ້ອງຖິ່ນຕ່າງໆ ຄວນກຳນົດຫນ້າທີ່ຕ້ອງເຮັດໃນໄລຍະຈະມາເຖິງ.  ທ່ານສະເຫນີ ຕ້ອງຈັດຕັ້ງກອງປະຊຸມໂອ້ລົມສົນທະນາ ການພັດທະນາຮອດປີ 2045 ຢູ່ ເຂດທົ່ງພຽງແມ່ນ້ຳຂອງ ເພື່ອຊອກຫາມາດຕະການ ສ້າງການພັດທະນາກະໂດດຂັ້ນໃຫ້ແກ່ປະເທດຊາດໃນໄລຍະ 25 ປີຈະມາເຖິງ. 
(ແຫຼ່ງຄັດຈາກ VOV)

ໄຂ​ງານ​ຕະຫຼາດ​ນັດ​ການ​ຄ້າ ຫວຽດ​ນາມ - ລາວ - ກຳ​ປູ​ເຈຍ - ໄທ

ໄຂ​ງານ​ຕະຫຼາດ​ນັດ​ການ​ຄ້າ ຫວຽດ​ນາມ - ລາວ - ກຳ​ປູ​ເຈຍ - ໄທ

ງານຕະຫຼາດນັດໄດ້ດຶງດູດການເຂົ້າຮ່ວມຂອງ 60 ຮ້ານວາງສະແດງ, ທີ່ມາຈາກ 90 ຮາກຖານດຳເນີນທຸລະກິດ, ວິສາຫະກິດຂອງ 4 ປະເທດ, ໃນນັ້ນ ຫວຽດນາມ ມີ 45 ຮາກຖານດຳເນີນທຸລະກິດ ແລະ ມີ 16 ຮ້ານວາງສະແດງສິນຄ້າ.

Top