ທ່ານ ເຈີ່ນແທງເໝີນ, ເລຂາສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫາກໍ່ສົ່ງຈົດໝາຍເຖິງຜູ້ມີຍົດສັກຕຳແໜ່ງພ້ອມກັບພະສົງສຳມະເນນ, ພຸດທະສາສະນິກກະຊົນ ຫວຽດນາມ ຢູ່ພາຍໃນ ແລະ ຕ່າງປະເທດທຸກຖ້ວນໜ້າເນື່ອງໃນໂອກາດວັນບຸນວິສາຂະບູຊາ 2018 - ພສ 2562. ໃນຈົດໝາຍ, ທ່ານ ເຈີ່ນແທງເໝີນ ອວຍພອນໃຫ້ ຜູ້ມີຍົດສັກຕຳແໜ່ງ, ພະສົງສຳມະເນນ, ພຸດທະສາສະນິກກະຊົນ ແລະ ພໍ່ແມ່ພີ່ນ້ອງພຸດທະສາສະໜາຢູ່ພາຍໃນ ແລະ ຕ່າງປະເທດຕ້ອນຮັບວັນບຸນວິສາຂະບູຊາດ້ວຍຄວາມເບີກບານມ່ວນຊື່ນ ແລະ ສະຫງົບສຸກ. ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເຊື່ອໝັ້ນວ່າ: ຜູ້ມີຍົດສັກຕຳແໜ່ງ ພ້ອມກັບພະສົງສຳມະເນນພຸດທະສາສະນິກກະຊົນ ຂອງສະມາຄົມສາສະໜາ ຫວຽດນາມ ຈະສືບຕໍ່ປະຕິບັດທິດນຳ “ທຳມະ - ຊົນຊາດ - ລັດທິສັງຄົມນິຍົມ” ເປັນຢ່າງດີ…
ເນື່ອງໃນໂອກາດນີ້, ຄະນະການນຳນະຄອນ ໂຮ່ຈີມິນ ໂດຍທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ເປັນຫົວໜ້າຄະນະໄດ້ໄປຢ້ຽມຢາມ, ອວຍພອນວັນບຸນວິສາຂະບູຊາບັນດາຜູ້ມີຍົດສັກຕຳແໜ່ງ, ພະສົງສຳມະເນນ, ພຸດທະສາສະນິກກະຊົນ - ສູນກາງພຸດທະສາສະໜາ ຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ນະຄອນໂຮ່ຈີມິນ.
(ແຫຼ່ງຄັດຈາກ VOV)
