ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ (ພາບ:TTXVN)
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຕີລາຄາສູງຕໍ່ຂະແໜງຍຸຕິທຳ ທີ່ໄດ້ຜູກມັດຢ່າງແໜ້ນແຟ້ນ ລະຫວ່າງ ການກໍ່ສ້າງ, ປັບປຸງກົດໝາຍໃຫ້ສົມບູນແບບ ກັບການຍົກສູງປະສິດທິພາບ, ປະສິດທິຜົນຂອງການຈັດຕັ້ງປະຕິບັດກົດໝາຍ, ຮັບປະກັນສິດທິມະນຸດ ແລະ ສິດ, ຜົນປະໂຫຍດຂອງປະຊາຊົນໄດ້ດີກວ່າເກົ່າ, ຜ່ານນັ້ນ ປະກອບສ່ວນປົກປ້ອງຄວາມຍຸຕິທຳ, ສິດທິມະນຸດ, ສິດພົນລະເມືອງ, ຜົນປະໂຫຍດຂອງປະເທດຊາດ, ສິດ ແລະ ຜົນປະໂຫຍດອັນຊອບທຳຂອງອົງການຈັດຕັ້ງ ແລະ ສ່ວນບຸກຄົນ.
ກ່ຽວກັບໜ້າທີ່ໃນໄລຍະຈະມາເຖິງ, ທ່ານນາຍົກລັດຖະມົນຕີ ຖືວ່າ, ລະບົບກົດໝາຍຕ້ອງສ້າງກຳລັງໜູນພັດທະນາປະເທດ, ທ່ານກ່າວວ່າ:“ໃນໄລຍະເຕັກໂນໂລຢີພັດທະນາຢ່າງວ່ອງໄວດ້ວຍການປະຕິວັດອຸດສາຫະກຳ ຄັ້ງທີ 4 ນີ້, ກົດໝາຍຕ້ອງຕອບສະໜອງຄວາມຮຽກຮ້ອງຕ້ອງການໃນການໃນໄລຍະນີ້ໄດ້, ເພື່ອບໍ່ໃຫ້ລະບອບກົດໝາຍກີດຂວາງການພັດທະນາຂອງປະເທດຊາດ, ຕ້ອງສ້າງເງື່ອນໄຂເພື່ອໃຫ້ຂໍ້ລິເລີ່ມ, ການປະດິດຄິດສ້າງ, ໂຄງການເລີ່ມຕົ້ນທຸລະກິດ ການລົງທະບຽນພັດທະນາຢູ່ພາຍໃນປະເທດ.”
(ແຫຼ່ງຄັດຈາກ VOV)
