ຕອນເຊົ້າວັນທີ 11 ສິງຫາ, ເມື່ອປຶກສາຫາລືຢູ່ຫໍປະຊຸມກ່ຽວກັບຮ່າງກົດໝາຍວ່າດ້ວຍພັດທະນາຕົວເມືອງໃນຂອບເຂດກອງປະຊຸມວິສາມັນຄັ້ງປະຖົມມະເລິກ, ສະພາແຫ່ງຊາດ ຫວຽດນາມ ຊຸດທີ 16, ບັນດາສະມາຊິກສະພາແຫ່ງຊາດ ໄດ້ສຸມໃສ່ປະກອບຄຳເຫັນໃສ່ເນື້ອໃນຈຳນວນໜຶ່ງ, ຄື: ປ່ຽນແປງໃໝ່ການຄຸ້ມຄອງຕົວເມືອງ, ເພີ່ມທະວີການຈັດແບ່ງຂັ້ນ, ຈັດແບ່ງສິດ, ສ້າງເຂດພັດທະນາ ແລະ ລະດົມບັນດາແຫຼ່ງກຳລັງໃຫ້ແກ່ການເຕີບໂຕ...
ຕີລາຄາວິທີສຳພັດຂອງຮ່າງກົດໝາຍ, ບັນດາສະມາຊິກສະພາແຫ່ງຊາດຖືວ່າ ເລື່ອງເພີ່ມທະວີການຈັດແບ່ງສິດ, ມອບສິດເປັນເຈົ້າໃຫ້ແກ່ອຳນາດການປົກຄອງຕົວເມືອງແມ່ນທິດກ້າວເດີນທີ່ເໝາະສົມກັບສະພາບຕົວຈິງ. ມີຫຼາຍຄຳເຫັນກໍ່ຖືວ່າ ການຍູ້ແຮງການຈັດແບ່ງຂັ້ນ, ຈັດແບ່ງສິດຕ້ອງໄປພ້ອມກັບການກຳນົດສິດ, ຄວາມຮັບຜິດຊອບ ແລະ ແຫຼ່ງກຳລັງຢ່າງຈະແຈ້ງ, ຜ່ານນັ້ນເພີ່ມລັກສະນະເປັນເຈົ້າໃນການຈັດຕັ້ງປະຕິບັດ ແລະ ແກ້ໄຂບັນດາບັນຫາເກີດຂຶ້ນຈາກສະພາບການຕົວຈິງ.
ມີສະມາຊິກສະພາແຫ່ງຊາດຈຳນວນໜຶ່ງສະເໜີສືບຕໍ່ສ້າງກົນໄກພິເສດສະເພາະໃຫ້ແກ່ເຂດຕົວເມືອງ ແລະ ບັນດາຮູບແບບການພັດທະນາໃໝ່, ຜ່ານນັ້ນ ເປີດກວ້າງເຂດລະດົມແຫຼ່ງກຳລັງຢູ່ພາຍໃນປະເທດ ແລະ ສາກົນ.
