ວັນທີ 17 ກໍລະກົດ, ວາລະປະຊຸມຄົບຄະນະພິເສດຂອງເວທີປາໄສ Sao Paulo ຄັ້ງທີ 24 ໄດ້ຈັດຕັ້ງຢູ່ ລາຮາວານ, ທ່ານ ຫງວຽນດຶກເລີ້ຍ, ຜູ້ອຳນວຍການໃຫຍ່ສຳນັກຂ່າວສານ ຫວຽດນາມ, ຫົວໜ້າຄະນະຜູ້ແທນພັກກອມມູນິດ ຫວຽດນາມ ມີບົດປາໄສ ກ່ຽວກັບແນວຄິດຂອງຜູ້ນຳການປະຕິວັດ ກູບາ Fidel Castro ແລະ ອາລົມຈິດພິເສດເຊິ່ງທ່ານໄດ້ສະຫງວນໃຫ້ປະຊາຊົນ ຫວຽດນາມ. ທ່ານ ຫງວຽນດຶກເລີ້ຍ ຢັ້ງຢືນວ່າ Fidel Castro ແມ່ນຜູ້ນຳຍິ່ງໃຫຍ່ຂອງຂະບວນການກຳມະກອນ ແລະ ກອມມູນິດສາກົນ. ລັດທິມະນຸດສະທຳສາກົນເຊິ່ງ ທ່ານ Fidel ເປັນຜູ້ລິເລີ່ມ ແລະ ນຳພານັ້ນໄດ້ໜູນຊ່ວຍທັງດ້ານວັດຖຸ ແລະ ຈິດໃຈສຳລັບການປະຕິວັດ ແລະ ຂະບວນການປົດປ່ອຍຊາດໃນໂລກ, ໃນນັ້ນມີບັ້ນຮົບຕ້ານ ອາເມລິກາ ຂອງປະຊາຊົນ ຫວຽດນາມ.

        ທ່ານ ຫງວຽນດຶກເລີ້ຍ ເນັ້ນໜັກວ່າ ກູບາ ແລະ Fidel ແມ່ນຊື່ເອີ້ນທີ່ສັກກະລະບູຊາໃນດວງໃຈຂອງປະຊາຊົນ ຫວຽດນາມ ແຕ່ລະຄົນ, ພ້ອມທັງທົບທວນຄືນບັນດາການຊ່ວຍເຫຼືອທີ່ບໍລິສຸດຜຸດຜ່ອງເຊິ່ງ ປະຊາຊົນ ກູບາ ໄດ້ສະຫງວນໃຫ້ແກ່ປະຊາຊົນ ຫວຽດນາມ, ໂດຍບໍ່ຫົວຊາຕໍ່ບັນດາຄວາມຫຍຸ້ງຍາກເຊິ່ງ ກູບາ ຕ້ອງປະເຊີນໜ້າຍ້ອນຖືກ ອາເມລິກາ ປິດລ້ອມ, ຂວ້ຳບາດ; ຄືດັ່ງເນື້ອໃນຈິດໃຈຂອງຄຳເວົ້າອະມະຕະຂອງ Fidel ທີ່ວ່າ “ເພື່ອ ຫວຽດນາມ, ກູບາ ພ້ອມແລ້ວທີ່ຈະສະຫຼະຊີວິດເລືອດເນື້ອຂອງຕົນ.”

(ແຫຼ່ງຄັດຈາກ VOV)