ຂ່າວສານ

ກຳລັງໜູນໃໝ່ໃນການພົວພັນລະຫວ່າງຫວຽດນາມ-ອາເມລິກາ

05/02/2017

ທ່ານ ຟ້າມກວາງວິງ, ເອກອັກຄະລັດຖະທູດ ຫວຽດນາມ ປະຈຳ
ອາເມລິກາ ມີການຢ້ຽມຢາມ ແລະ ເຮັດວຽກ ຢູ່ນະຄອນ Annapolis

ຫວ່າງແລ້ວນີ້, ທ່ານ ຟ້າມກວາງວິງ, ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ມີການຢ້ຽມຢາມ ແລະ ເຮັດວຽກ ຢູ່ນະຄອນ Annapolis, ເມືອງເອກຂອງລັດ Maryland, ເພື່ອແນໃສ່ຊຸກຍູ້ການຮ່ວມມືລະຫວ່າງສອງປະເທດເວົ້າລວມ ແລະ ລັດນີ້ເວົ້າສະເພາະ. ໃນການພົບປະກັບທ່ານ Boyd Rushford, ຮອງຜູ້ວ່າການລັດ Maryland, ແລະ ໃນການກ່າວຄວາມເຫັນຕໍ່ໜ້າສະມາຊິກສະໂມສອນສາກົນ Annapolis 200 ຄົນ, ທ່ານເອກອັກຄະລັດຖະທູດ ຟ້າມກວາງວິງ ຢືນຢັນວ່າ: ຫວຽດນາມຖືການພົວພັນກັບ ອາເມລິກາ ເປັນສຳຄັນທີ່ສຸດ. ແລະ ຖືວ່າ, ສອງຝ່າຍມີທ່າສະດວກຫຼາຍຢ່າງ, ສາມາດເພີ່ມເຕີມໃຫ້ກັນ ແລະ ຫວັງວ່າສອງປະເທດເວົ້າລວມ ແລະ ລັດ Maryland ເວົ້າສະເພາະຈະຍູ້ແຮງການພົວພັນທາງດ້ານເສດຖະກິດ, ການຄ້າ, ການລົງທຶນ, ການສຶກສາໃຫ້ຫຼາຍກວ່າອີກ.

(ແຫຼ່ງຄັດຈາກ VOV)

ຫວຽດນາມ - ລາວ ປັບປຸງສາຍພົວພັນ “ຫຸ້ນສ່ວນຍຸດທະສາດ” ໃນໄລຍະໃໝ່

26/01/2026
ຂ່າວສານ

ວັນທີ 26 ມັງກອນ, ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສປປ. ລາວ ແລະ ພັນລະຍາ ໄດ້ເລີ່ມຕົ້ນການຢ້ຽມຢາມທາງລັດຖະກິດຢູ່ ຫວຽດນາມ. ການຢ້ຽມຢາມ ໄດ້ດຳເນີນໃນລະຫວ່າງວັນທີ 26 – 27 ມັງກອນ, ຕາມຄຳເຊີນຂອງທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ, ປະກອບສ່ວນຍົກລະດັບການພົວພັນ ແລະ ກຳນົດທິດການຮ່ວມມືຮອບດ້ານ, ມີປະສິດທິຜົນ ແລະ ແທດຈິງຂອງໄລຍະພັດທະນາໃໝ່.