ທ່ານ Khieu Kanharith ລັດຖະມົນຕີກະຊວງຖະແຫຼງຂ່າວ ກຳປູເຈຍ ໄດ້ຢັ້ງຢືນ ແລະ ຄັດສະເໜີຄຳປາໄສຂອງທ່ານນາຍົກລັດຖະມົນຕີ Samdec Techo Hun Sen ໃນບັນຊີເຟັດບຸກສ່ວນຕົວ ໂດຍສະແດງຄວາມຫວັງວ່າ ເມື່ອ ກຳປູເຈຍ ຮັບດຳລົງຕຳແໜ່ງເປັນປະທານ ອາຊຽນ ໃນປີ 2022, ຈີນ ແລະ ບັນດາປະເທດສະມາຊິກ ອາຊຽນ ອາດຈະລົງນາມໃນກົດແຫ່ງການປະພຶດຢູ່ ທະເລຕາເວັນອອກ (COC). ກ່ອນໜ້ານັ້ນ, ທ່ານຮອງນາຍົກລັດຖະມົນຕີ ກຳປູເຈຍ Hor Namhong ກໍໄດ້ຖະແຫຼງວ່າ ທະເລຕາເວັນອອກ ແມ່ນເຂດທະເລແຫ່ງສັນຕິພາບ, ສະຖຽນລະພາບ, ມີສິດເສລີໃນການເດີນເຮືອ ແລະ ການບິນ. ບັນດາປະເທດທີ່ມີການຂັດແຍ້ງອະທິປະໄຕຢູ່ທະເລຕາເວັນອອກ ຄວນແກ້ໄຂໂດຍສັນຕິວິທີ, ສອດຄ່ອງກັບກົດໝາຍສາກົນ.
ປີ 2022, ກຳປູເຈຍ ຈະຮັບດຳລົງຕຳແໜ່ງເປັນປະທານ ອາຊຽນ ຄັ້ງທີ 3 ແລະ ໃນໂຄງການດຳເນີນງານ, ປະເທດນີ້ ຈະໃຫ້ບຸລິມະສິດແກ່ການຍູ້ແຮງຄວາມສາມັກຄີຂອງ ອາຊຽນ ແລະ ຮັບປະກັນສັນຕິພາບ ກໍຄື ຄວາມໝັ້ນຄົງຢູ່ ພາກພື້ນ.
(ແຫຼ່ງຄັດຈາກ VOV)
