• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ກາ​ນ​ນຳ ພັກ , ລັດ ຫວຽດ​ນາມ ຢ້ຽມ​ຢາມ, ອວຍ​ພອນ​ປີ​ໃໝ່ຢູ່​ທ້ອງ​ຖິ່ນ​ຕ່າງໆ

ທ່ານ ຟ້າມມິງຈິ໊ງ, ຫົວໜ້າຄະນະຈັດຕັ້ງສູນກາງພັກ ໄປຢ້ຽມຢາມ, ອວຍພອນປີໃໝ່ ແລະ ມອບຂອງຂວັນໃຫ້ແກ່ຄອບຄົວທຸກຍາກ, ກຳມະກອນ, ຊາວຜູ້ອອກແຮງງານທີ່ປະສົບກັບຄວາມຫຍຸ້ງຍາກຢູ່ແຂວງ ຮວ່າບິ່ງ.
ທ່ານປະທານສານປະຊາຊົນສູງສຸດ ຫງວຽນຮວ່າບິ່ງ ແລະ ທ່ານ ເຈິ່ນຕ໊ວນແອັງ  ຫົວໜ້າຄະນະເສດຖະກິດສູນກາງພັກ, ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ອວຍພອນປີໃໝ່ອົງຄະນະພັກແຂວງ ແລະ ປະຊາຊົນແຂວງ ກວ໋າງງາຍ

ວັນທີ 7 ກຸມພາ, ຢູ່ແຂວງ ກວ໋າງງາຍ, ທ່ານປະທານສານປະຊາຊົນສູງສຸດ ຫງວຽນຮວ່າບິ່ງ ແລະ ທ່ານ ເຈິ່ນຕ໊ວນແອັງ  ຫົວໜ້າຄະນະເສດຖະກິດສູນກາງພັກ, ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ລົງໄປອວຍພອນປີໃໝ່ອົງຄະນະພັກແຂວງ ແລະ ປະຊາຊົນແຂວງ ກວ໋າງງາຍ ແລະ ມອບຂອງຂວັນເກືອບ 400 ພູດ ໃຫ້ແກ່ຄອບຄົວທຸກຍາກ, ຄອບຄົວເປົ້າໝາຍນະໂຍບາຍ, ຜູ້ປະສົບເຄາະຮ້າຍຈາກທາດພິດສີສົ້ມ. ໃນການເຮັດວຽກກັບການນຳແຂວງ ກວ໋າງງາຍ, ທ່ານ ຫງວຽນຮວ່າບິ່ງ ປາດຖະໜາວ່າ:

        “ພວກຂ້າພະເຈົ້າປາດຖະໜາວ່າ ການນຳແຂວງ ກວ໋າງງາຍ ຈະປ່ຽນແປງຈິນຕະນາການບຸກທະລຸໃໝ່. ແຫຼ່ງກຳລັງໃນໝູ່ປະຊາຊົນ, ວິສາຫະກິດ, ນັກທຸລະກິດທີ່ມີຄວາມສົນໃຈເຖິງ ກວ໋າງງາຍ, ນັກທຸລະກິດ ທີ່ມີບ້ານເກີດເມືອງນອນຢູ່ ກວ໋າງງາຍ ໃນທົ່ວປະເທດ ຍັງມີຢ່າງຫຼວງຫຼາຍ”.

        ໃນວັນດຽວກັນ, ທ່ານ ຟານດິ່ງຈາກ, ຫົວໜ້າຄະນະ ການເມືອງພາຍໃນສູນກາງພັກ ພ້ອມດ້ວຍຄະນະ ໄດ້ໄປຢ້ຽມຢາມ, ມອບຂອງຂັວນ ແລະ ອວຍພອນປີໃໝ່ພະນັກງານ, ນັກຮົບຢູ່ປ້ອມປ້ອງກັນຊາຍແດນ ດ່ານຊາຍແດນ ອາເດິດ, ກອງບັນຊາການທະຫານປ້ອງກັນຊາຍແດນແຂວງ ເທື່ອທຽນ - ເຫວ້ ແລະ ເມືອງ ອາເລື໊ອຍ, ແຂວງ ເທື່ອທຽນ - ເຫວ້. ທ່ານ ຟານດິ່ງຈາກ ໄດ້ມອບຂອງຂວັນ 400 ພູດ ໃຫ້ແກ່ບັນດາຄອບຄົວທຸກຍາກ, ຄອບຄົວເປົ້າໝາຍນະໂຍບາຍ, ຄອບຄົວປະສົບກັບຄວາມຫຍຸ້ງຍາກໃນບໍລິເວນເມືອງ ອາເລື໊ອຍ, ເຊິ່ງແຕ່ລະພູດມີມູນຄ່າ 1.150.000 ລ້ານດົ່ງ.

        ກໍໃນວັນດຽວກັນ, ທ່ານ ຟ້າມມິງຈິ໊ງ, ຫົວໜ້າຄະນະຈັດຕັ້ງສູນກາງພັກ ກໍໄດ້ໄປຢ້ຽມຢາມ, ອວຍພອນປີໃໝ່ ແລະ ມອບຂອງຂວັນໃຫ້ແກ່ຄອບຄົວທຸກຍາກ, ກຳມະກອນ, ຊາວຜູ້ອອກແຮງງານທີ່ປະສົບກັບຄວາມຫຍຸ້ງຍາກຢູ່ແຂວງ ຮວ່າບິ່ງ ເຊັ່ນດຽວກັນ.

(ແຫຼ່ງຄັດຈາກ VOV)

ສືບ​ຕໍ່​ຮັກ​ສາ, ເພີ່ມ​ພູນ​ຄູນ​ສ້າງ ແລະ ພັດ​ທະ​ນາ​ການ​ພົວ​ພັນ ຫວຽດ​ນາມ - ກຳ​ປູ​ເຈຍ ຂຶ້ນ​ສູ່​ລະ​ດັບ​ສູງ​ໃໝ່

ສືບ​ຕໍ່​ຮັກ​ສາ, ເພີ່ມ​ພູນ​ຄູນ​ສ້າງ ແລະ ພັດ​ທະ​ນາ​ການ​ພົວ​ພັນ ຫວຽດ​ນາມ - ກຳ​ປູ​ເຈຍ ຂຶ້ນ​ສູ່​ລະ​ດັບ​ສູງ​ໃໝ່

ການນຳພັກ, ລັດ ຫວຽດນາມ ແລະ ກຳປູເຈຍ ໄດ້ກຳນົດການພົວພັນທາງດ້ານການເມືອງ - ການຕ່າງປະເທດສວມບົດບາດຫຼັກແຫຼ່ງ, ກຳນົດທິດສັງລວມໃຫ້ແກ່ການພົວພັນສອງປະເທດ.

Top