ຂ່າວສານ

ການເລືອກຕັ້ງຢູ່ ອາເມລິກາ: ບັນດາຜູ້ອອກສະໝັກເລືອກຕັ້ງກະກຽມແກ່ການໂຕ້ວາທີຄັ້ງທຳອິດ

29/09/2020

ການໂຕ້ວາທີຄັ້ງທຳອິດລະຫວ່າງ ທ່ານປະທານາທິບໍດີ ອາເມລິກາ Donald Trump ຂອງພັກສາທາລະນະ ແລະ ທ່ານ Joe Biden ຂອງພັກປະຊາທິປະໄຕ ຈະຖືກຈັດຂຶ້ນໃນວັນທີ 29 ກັນຍາ ຢູ່ລັດ Ohio ເຊິ່ງຈະດຳເນີນໃນເວລາ 90 ນາທີ.

ທ່ານປະທານາທິບໍດີ ອາເມລິກາ Donald Trump ແລະ ທ່ານ Joe Biden (ຕາມລຳດັບ) (ພາບ: AP)

ການໂຕ້ວາທີຄັ້ງທຳອິດລະຫວ່າງ ຜູ້ອອກສະໝັກເລືອກຕັ້ງ 2 ທ່ານຄື: ທ່ານປະທານາທິບໍດີ ອາເມລິກາ Donald Trump ຂອງພັກສາທາລະນະ ແລະ ທ່ານ Joe Biden ຂອງພັກປະຊາທິປະໄຕ ຈະຖືກຈັດຂຶ້ນໃນວັນທີ 29 ກັນຍາ ຢູ່ລັດ Ohio ເຊິ່ງຈະດຳເນີນໃນເວລາ 90 ນາທີ. ຜູ້ອອກສະໝັກເລືອກຕັ້ງທັງສອງທ່ານ ລ້ວນແຕ່ມີການກະກຽມສ່ວນໃດສ່ວນໜຶ່ງ ເພື່ອມີການສະແດງທີ່ເປັນໜ້າຈັບໃຈທີ່ສຸດໃນສາຍຕາຂອງຜູ້ມີສິດເລືອກຕັ້ງ ອາເມລິກາ. ກ່ອນວັນດຳເນີນການເລືອກຕັ້ງທົ່ວປະເທດໃນວັນທີ 3 ພະຈິກ ຈະມາເຖິງ, ຜູ້ອອກສະໝັກເລືອກຕັ້ງເປັນປະທານາທິບໍດີທັງສອງທ່ານ ຈະມີການໂຕ້ວາທີໂດຍກົງເປັນ 3 ຄັ້ງ ເພື່ອສະແດງທັດສະນະ, ນະໂຍບາຍຂອງຕົນ ກ່ຽວກັບບັນດາບັນຫາໃຫຍ່ຂອງປະເທດຊາດ. ນີ້ກໍແມ່ນໂອກາດເພື່ອໃຫ້ຜູ້ມີສິດເລືອກຕັ້ງ ອາເມລິກາ ປຽບທຽບບັນດາຈຸດດີ, ຈຸດອ່ອນຂອງແຕ່ລະຜູ້ອອກສະໝັກເລືອກຕັ້ງ ແລະ ຍົກອອກການຕັດສິນໃຈສຸດທ້າຍຂອງຕົນ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.