• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ການເຈລະຈາລະຫວ່າງສອງນາຍົກລັດຖະມົນຕີຫວຽດນາມ ແລະ ໂອຕຣິດ

      ພາຍຫຼັງພິທີຕ້ອນຮັບຢ່າງສົມກຽດໃນວັນທີ 15 ຕຸລາ ຢູ່ນະຄອນວຽນປະເທດ ໂອຕຣິດ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ ທ່ານນາຍົກລັດຖະມົນຕີ ໂອຕຣິດ Sebastian Kurz ໄດ້ນຳໜ້າ 2 ຄະນະ ດຳເນີນການເຈລະຈາ

ພິທີຕ້ອນຮັບທ່ານນາຍົກລັດຖະມົນຕີຫງວຽນຊວນຟຸກຢ່າງສົມກຽດ
      ທ່ານນາຍົກລັດຖະມົນຕີທັງສອງໄດ້ແລກປ່ຽນບັນດາມາດຕະການ ແນໃສ່ຊຸກຍູ້ການພົວພັນ 2 ຝ່າຍໃນທຸກຂົງເຂດ. ທ່ານນາຍົກລັດຖະມົນຕີທັງສອງໄດ້ເຫັນດີເພີ່ມທະວີການແລກປ່ຽນບັນດາຄະນະຜູ້ແທນຂັ້ນຕ່າງໆ, ຜັນຂະຫຍາຍບັນດາກົນໄກຮ່ວມມືສອງຝ່າຍທີ່ພວມມີຢູ່ແລ້ວ. 2 ຝ່າຍສະແດງຄວາມພາກພູມໃຈເມື່ອຫວຽດນາມເປັນຄູ່ຮ່ວມການຄ້າໃຫຍ່ທີ່ສຸດຂອງ ໂອຕຣິດ ຢູ່ອາຊີຕາເວັນອອກສ່ຽງໃຕ້, ໂອຕຣິດ ນອນໃນ 10 ຕະຫຼາດໃຫຍ່ທີ່ສຸດຂອງຫວຽດນາມຢູ່ EU. ທ່ານນາຍົກລັດຖະມົນຕີທັງສອງເຫັນດິສົ່ງເສີມວິສາຫະກິດ 2 ປະເທດເພີ່ມທະວີການເຊື່ອມຕໍ່ການລົງທຶນ, ຮ່ວມມືໃນບັນດາຂົງເຂດທີ່ຈຳເປັນໃຫ້ແກ່ການພັດທະນາຂອງຫວຽດນາມຄື: ໂຄງລ່າງຄົມມະນາຄົມ, ພັດທະນາພະລັງງານສະອາດ, ບຳລຸງສ້າງວິຊາຊີບ, ການທ່ອງທ່ຽວ, ສາທາລະນະສຸກ…
   ທ່ານນາຍົກລັດຖະມົນຕີ ໂອຕຣິດ Sebastian Kurz ເນັ້ນໜັກວ່າ ການຢ້ຽມຢາມ ໂອຕຣິດຂອງ ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກຄັ້ງນີ້ ແມ່ນຫຼັກໝາຍໜຶ່ງໃນສາຍພົວພັນ 2 ປະເທດ, ຫວັງວ່າ ສາຍພົວພັນລະຫວ່າງ 2 ປະເທດມີບັນດາບາດກ້າວພັດທະນາຢ່າງແຂງແຮງ ແລະ ຮອບດ້ານໃນໄລຍະທີ່ຈະມາເຖິງ. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ສະເໜີທາງຝ່າຍ ໂອຕຣິດ ຈົ່ງສືບຕໍ່ເອົາໃຈໃສ່, ສ້າງເງື່ອນໄຂສະດວກໃຫ້ແກ່ຊາວຫວຽດນາມອາໄສຢູ່ ໂອຕຣິດ ໄດ້ເຊື່ອມຕົວ ແລະ ສ້າງການດຳລົງຊີວິດເປັນປົກກະຕິ. ກ່ຽວກັບບັນຫາ ທະເລຕາເວັນອອກ, 2 ຝ່າຍຖືວ່າ ຄວນຮັບປະກັນຄວາມໝັ້ນຄົງ, ປອດໄພ ແລະ ເສລີພາບໃນການເດີນທະເລ, ການບິນຢູ່ທະເລຕາເວັນອອກ. ບັນດາຝ່າຍທີ່ກ່ຽວຂ້ອງຄວນເຄົາລົບຫຼັກການລະງັບໃຈເອງ, ແກ້ໄຂການຂັດແຍ້ງດ້ວຍມາດຕະການໂດຍສັນຕິວິທີ, ສອດຄ່ອງກັບກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982.
ພາຍຫຼັງການເຈລະລາ, ທ່ານນາຍົກລັດຖະມົນຕີທັງສອງໄດ້ເປັນສັກຂີພິຍານພິທີລົງນາມໃນສັນຍາອຸປະຖຳໃຫ້ແກ່ໂຄງການ “ຍົກລະດັບພາຫະນະເຄື່ອງຈັກສາທາລະນະສຸກໃຫ້ແກ່ສູນປິ່ນປົວໂລກກ້ອນເບົ້າ-ມະເຮັງ ເຈິໄຣ້-ໂຮງໝໍເຈິໄຣ້” ລວມມູນຄ່າ 25 ລ້ານເອີໂຣ, ບົດບັນທຶກຄວາມເຂົ້າໃຈກ່ຽວກັບການຮ່ວມມືທາງດ້ານວິທະຍາສາດເຕັກໂນໂລຊີ, ບົດບັນທຶກຄວາມເຂົ້າໃຈກ່ຽວກັບການຮ່ວມມືທາງດ້ານການຄ້າເອເລັກໂຕນິກ ແລະ ອຸດສາຫະກຳ 4.0.
 (ແຫຼ່ງຄັດຈາກ VOV)

ເພີ່ມທະວີການຮ່ວມມືຢູ່ເຂດ 3 ຫຼ່ຽມພັດທະນາ ກຳປູເຈຍ - ລາວ - ຫວຽດນາມ

ເພີ່ມທະວີການຮ່ວມມືຢູ່ເຂດ 3 ຫຼ່ຽມພັດທະນາ ກຳປູເຈຍ - ລາວ - ຫວຽດນາມ

ຫວຽດນາມ ຍາມໃດກໍ່ຖືສາຍພົວພັນກັບ ລາວ ແລະ ກຳປູເຈຍ ເປັນສຳຄັນ, ຖືນີ້ແມ່ນໜ້າທີ່ຍຸດທະສາດ ແລະ ສະຫງວນບຸລິມະສິດແຖວໜ້າໃນນະໂຍບາຍການຕ່າງປະເທດຂອງ ຫວຽດນາມ.

Top