ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ທີ່ກອງປະຊຸມ
ເມື່ອແລກປ່ຽນກ່ຽວກັບບັນດາບັນຫາຢູ່ພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ, ທ່ານລັດຖະມົນຕີ ຟ້າມບິ່ງມິງ ແລະ ຄູ່ຕຳແໜ່ງລັດເຊຍ Sergei Lavrov ໄດ້ແບ່ງປັນທັດສະນະກ່ຽວກັບການແກ້ໄຂບັນດາບັນຫາໂດຍສັນຕິວິທີ, ຖືກຕ້ອງຕາມກົດໝາຍສາກົນ. ຝ່າຍລັດເຊຍ ໄດ້ເນັ້ນໜັກເຖິງຄວາມສຳຄັນຂອງການຮ່ວມມືລະຫວ່າງລັດເຊຍ - ອາຊຽນ ແລະ ຢືນຢັນເຖິງການສະໜັບສະໜູນບົດບາດໃຈກາງຂອງອາຊຽນ ໃນໂຄງປະກອບພາກພື້ນ.
ທີ່ການພົບປະກັບທ່ານລັດຖະມົນຕີການຕ່າງປະເທດໄທ ດອນ ປຣະມັດວິໄນ
ທີ່ການພົບປະກັບທ່ານລັດຖະມົນຕີການຕ່າງປະເທດໄທ ດອນ ປຣະມັດວິໄນ,ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ໄດ້ຢືນຢັນວ່າ, ຍາມໃດຫວຽດນາມ ກໍ່ສະໜັບສະໜູນໄທ ໃນການດໍາລົງຕໍາແໜ່ງເປັນປະທານອາຊຽນ 2019 ເປັນຢ່າງດີ. ລັດຖະມົນຕີທັງ 2 ທ່ານໄດ້ເຫັນດີສ້າງໂຄງການດໍາເນີນງານໄລຍະ 2019 – 2024 ຜັນຂະຫຍາຍການພົວພັນຄູ່ຮ່ວມມືຍຸດທະສາດຫວຽດນາມ - ໄທ ໃຫ້ສຳເລັດໂດຍໄວ.
ທີ່ການພົບປະກັບທ່ານລັດຖະມົນຕີການຕ່າງປະເທດລາວ ສະເຫຼີມໄຊ ກົມມະສິດ, 2 ຝ່າຍໄດ້ເຫັນດີສືບຕໍ່ເພີ່ມທະວີການປຶກສາຫາລື, ແລກປ່ຽນລະຫວ່າງບັນດາຫົວໜ່ວຍເປັນປະຈຳ; ປະຕິບັດສຳເລັດຂໍ້ຕົກລົງກ່ຽວກັບການແກ້ໄຂບັນຫາການອົບພະຍົບພູມລໍາເນົາແບບຊະຊາຍ ແລະ ການສົມລົດໂດຍບໍ່ໄດ້ຈົດທະບຽນຢູ່ເຂດຊາຍແດນລະຫວ່າງ 2 ປະເທດ; ຊຸກຍູ້ການຜັນຂະຫຍາຍກອງປະຊຸມສະຫຼຸບຮູບແບບການກວດກາ “ປະຕູດຽວ, ຢຸດເທື່ອໜຶ່ງ” ຢູ່ຄູ່ດ່ານຊາຍແດນລາວບາວ - ແດນສະຫວັນ…
ນອກນັ້ນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງກໍ່ໄດ້ມີການພົບປະກັບລັດຖະມົນຕີການຕ່າງປະເທດນອກແວ ແລະ ຍີ່ປຸ່ນ ຕື່ມອີກ.
(ແຫຼ່ງຄັດຈາກ VOV)
