ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນບ໋າຮູ່ງ ກ່າວຄຳເຫັນທີ່ພິທີ
ການຕ້ອນຮັບບຸນປີໃໝ່ປະຈຳຊາດປີລະກາເຕັມໄປດ້ວຍຄວາມອົບອຸ່ນ, ເຕັມໄປດ້ວຍສີສັນລະດູບານໃໝ່ໄດ້ດຳເນີນໃນວັນທີ 22/1, ທີ່ສຳນັກງານສະຖານທູດ ຫວຽດນາມ ປະຈຳລອນດອນ, ນະຄອນຫຼວງລາຊະນາຈັກ ອັງກິດ, ດ້ວຍການມີໜ້າຂອງພໍ່ແມ່ປະຊາຊົນຊາວ ຫວຽດນາມ ເກືອບ 400 ຄົນທີ່ມາຈາກທຸກແຖບຖິ່ນໃນທົ່ວປະເທດ ອັງກິດ. ກ່າວຄຳເຫັນທີ່ງານລ້ຽງ, ທ່ານ ຫງວຽນວັນຖາວ, ເອກອັກຄະລັດຖະທູດ ຫວຽດນາມ ປະຈຳ ລາຊະອານາຈັກ ອັງກິດ, ໄດ້ຢັ້ງຢືນວ່າ: ປະຊາຄົມຊາວ ຫວຽດນາມ ອາໄສຢູ່ຕ່າງປະເທດແມ່ນພາກສ່ວນໜຶ່ງຂອງຊາດຫວຽດນາມ, ຮຽກຮ້ອງໃຫ້ພໍ່ແມ່ປະຊາຊົນຊາວ ຫວຽດນາມ ຢູ່ ອັງກິດ ພ້ອມກັນຮ່ວມແຮງຮ່ວມໃຈປະກອບສ່ວນເຂົ້າໃນການພັດທະນາປະເທດຊາດເວົ້າລວມກໍ່ຄືການພົວພັນ ຫວຽດນາມ - ອັງກິດເວົ້າສະເພາະ.
ທີ່ນະຄອນ Sao Paulo, ສະຖານທູດ ຫວຽດນາມ ປະຈຳ ປຣາຊິນ ແລະ ຄະນະຕິດຕໍ່ພົວພັນປະກັບຊາຄົມຊາວ ຫວຽດນາມ ຢູ່ປະເທດນີ້ ໄດ້ຈັດຕັ້ງງານພົບປະສ້າງສັນເນື່ອງໃນໂອກາດບຸນປີໃໝ່ປີລະກາ 2017.
ຕອນຄ່ຳວັນທີ 22/1, ຢູ່ Fukuoka, ປະເທດ ຍີ່ປຸ່ນ, ສະຖານກົງສູນໃຫຍ່ ຫວຽດນາມ ແລະ ສະມາຄົມຊາວໜຸ່ມ, ນັກສຶກສາ ຫວຽດນາມ ປະຈຳ Fukuoka ໄດ້ສົມທົບກັນຈັດຕັ້ງງານບຸນເຕັດວົງຄະນະຍາດຕ້ອນຮັບບຸນປີໃໝ່ປີລະກາ 2017, ອັນດຶງດູດການເຂົ້າຮ່ວມຂອງຄູອາຈານ, ນັກສຶກສາສາກົນຫຼາຍຄົນ ແລະ ກ່ວາ 300 ຄົນ, ເຊິ່ງແມ່ນຜູ້ຕາງໜ້າໃຫ້ແກ່ຊາວ ຫວຽດນາມ 14.500 ຄົນທີ່ພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ເຂດ Kyushu – Okinawa, ປະເທດ ຍີ່ປຸ່ນ.
ກ່ອນໜ້ານັ້ນ, ສະຖານທູດ ຫວຽດນາມ ປະຈຳໂຮນລັງ, ກໍ່ໄດ້ຈັດຕັ້ງງານພົບປະສ້າງສັນຕ້ອນຮັບບຸນເຕັດປີລະກາ 2017 ກັບປະຊາຄົມຊາວ ຫວຽດນາມ ປະຈຳ ໂຮນລັງ. ຕອນຄຳ່ວັນທີ 21/1, ຢູ່ນະຄອນຫຼວງ ວຽງຈັນ, ສະຖານທູດ ຫວຽດນາມ ປະຈຳ ສປປ ລາວ ກໍ່ໄດ້ຈັດຕັ້ງລາຍການບຸນເຕັດວົງຄະນະຍາດຕ້ອນຮັບບຸນປີໃໝ່ລະກາ 2017 ເຊັ່ນດຽວກັນ.
(ແຫຼ່ງຄັດຈາກ VOV)
