ພິທີຍ້ອງຍໍ “ຄູອາຈານໜຸ່ມດີເດັ່ນ”
ຕອນຄ່ຳວັນທີ 19 ພະຈິກ ຢູ່ຮ່າໂນ້ຍ, ສູນກາງຄະນະຊາວໜຸ່ມກອມມູນິດໂຮ່ຈີມິນ ໄດ້ຈັດຕັ້ງພິທີຍ້ອງຍໍ “ຄູອາຈານໜຸ່ມດີເດັ່ນ” 99 ຄົນ ຂັ້ນສູນກາງຄັ້ງທີ 2 ປີ 2020. ບັນດາຄູອາຈານແມ່ນແບບຢ່າງໃນຂະແໜງການສຶກສາ ນອກຈາກມີຜົນງານດີເລີດກ່ຽວກັບວິຊາສະເພາະ, ມີຄຸນສົມບັດ ແລະ ອຸທິດສ່ວນໃຫ້ແກ່ພາລະກິດແຫ່ງການສິດສອນແລ້ວ, ຄູອາຈານແຕ່ລະຄົນ ລ້ວນແຕ່ມີຂໍ້ລິເລີ່ມດີເດັ່ນ ໃນວິວັດການສິດສອນ, ຄົ້ນຄວ້າວິທະຍາສາດກໍ່ຄືໝູນໃຊ້ວິທີການສິດສອນແບບໃໝ່ ນຳມາເຊິ່ງປະສິດທິຜົນຢ່າງດີງາມໃຫ້ແກ່ນັກຮຽນ, ນັກສຶກສາ ໃນການຮ່ຳຮຽນ.
ທີ່ພິທີຍ້ອງຍໍດັ່ງກ່າວ, ທ່ານຮອງນາຍົກລັດຖະມົນຕີ ຫວຽດນາມ ເຈືອງຮ່ວາບີງ ໄດ້ຢັ້ງຢືນວ່າ: ລັດຖະບານ, ກະຊວງສຶກສາ ແລະ ບຳລຸງສ້າງ, ທຸກຂັ້ນ, ທຸກຂະແໜງການ ຍາມໃດກໍ່ມີຄວາມເອົາໃຈໃສ່ເຖິງລະບອບ, ນະໂຍບາຍໃຫ້ຖັນແຖວຄູອາຈານ ເພື່ອສ້າງຄວາມອຸ່ນອ່ຽງໃຈໃນການປະຕິບັດງານ, ຜ່ານຜ່າຄວາມຫຍຸ້ງຍາກ, ບືນຕົວຂຶ້ນ, ອຸທິດສ່ວນເຂົ້າໃນພາລະກິດແຫ່ງການສິດສອນກໍ່ສ້າງຄົນ.
ແລະກໍ່ໃນຕອນບ່າຍວັນທີ 19 ພະຈິກ, ຄະນະກຳມະການປະຊາຊົນແຂວງ ເທື່ອທຽນ-ເຫ້ວ ໄດ້ຈັດຕັ້ງພິທີພົບປະສັງສັນກັບຜູ້ເບິ່ງແຍງ, ລ້ຽງດູເດັກພິການ, ເດັກກຳພ້າ ທີ່ປະສົບກັບຄວາມຫຍຸ້ງຍາກ ເນື່ອງໃນໂອກາດວັນຄູ ຫວຽດນາມ 20/11.
