ທ່ານ ໄຈວແທນຂ໋າຍ, ເອກອັກຄະລັດຖະທູດ ຈີນ ປະຈໍາ ອາເມລິກາ (ພາບ: Reuters)
ລະອຽດ, ທ່ານ ໄຈວແທນຂ໋າຍ ຕີລາຄາວ່າ ປັດຈຸບັນການພົວພັນລະຫວ່າງ ຈີນ - ອາເມລິກາ ບໍ່ແມ່ນ “ຢຸດສະງັກ” ຫຼືວ່າ ຢຸດຕິແຕ່ຢ່າງໃດ ເຊິ່ງມັນພຽງແຕ່ພວມໄປຫຼົງທິດເທົ່ານັ້ນ. ສິ່ງທີ່ສອງຝ່າຍຕ້ອງເຮັດແມ່ນສະກັດກັ້ນໃຫ້ການຫຼົງທິດທີ່ນັບມື້ນັບແກ່ຍາວນີ້ ຊໍ້າບໍ່ໜໍາແມ່ນຕົກເຂົ້າສູ່ລະດັບ “ຖືກກັບດັກ” ຄືຫຼາຍຄົນໄດ້ເຕື້ອງເຖິງ. ເລື່ອງເລີ່ມດໍາເນີນ ແລະ ເປີດຊ່ອງເຈລະຈາລະຫວ່າງສອງຝ່າຍຄືນໃໝ່ແມ່ນຈໍາເປັນທີ່ສຸດ, ເຖິງຢ່າງໃດກໍຕາມ ຕ້ອງປະຕິບັດຄືແນວໃດ ແມ່ນສິ່ງທີ່ສອງຝ່າຍຕ້ອງພິຈາລະນາ.
“ການພົວພັນລະຫວ່າງ ຈີນ - ອາເມລິກາ ໃນປັດຈຸບັນ ແມ່ນກ້າວເດີນຢ່າງຖືກຕ້ອງຕາມວົງໂຄຈອນຫຼືບໍ່, ຖ້າຖືກຕ້ອງນັ້ນ ການແມ່ນຕ້ອງເພີ່ມຄວາມໄວແມ່ນສິ່ງທີ່ດີທີ່ສຸດ, ຖ້າຫຼົງທິດແມ່ນຕ້ອງຢຽບເບກໄວ້, ການຢຽບເບກນີ້ບໍ່ແມ່ນວ່າເພື່ອເຮັດໃຫ້ການພົວພັນລະຫວ່າງສອງຝ່າຍຖືກຢຸດຕິງ ແຕ່ແມ່ນການສືບຕໍ່ຊ່ວຍນໍາການພົວພັນກັບຄືນສູ່ວົງໂຄຈອນທີ່ຖືກຕ້ອງ”.ການພົວພັນລະຫວ່າງ ອາເມລິກາ - ຈີນ ໃນໄລຍະມໍ່ໆມານີ້ ສືບຕໍ່ມີການຜັນແປຕາມທິດຊົ່ວຮ້າຍລົງ, ການແກ້ງແຍ້ງຍຸດທະສາດລະຫວ່າງສອງຝ່າຍສືບຕໍ່ເກີດຂຶ້ນຢ່າງເຄັ່ງຮ້ອນໃນຫຼາຍຂົງເຂດ, ມີຂໍ້ສັງເກດຫຼາຍຢ່າງຖືວ່າ, ການພົວພັນລະຫວ່າງ ຈີນ - ອາເມລິກາ ພວມຢູ່ໃນລະດັບຕໍ່າສຸດ ນັບແຕ່ເມື່ອສ້າງຕັ້ງການພົວພັນທາງການທູດຈົດມາຮອດປັດຈຸບັນ.
(ແຫຼ່ງຄັດຈາກ VOV)
