ຂ່າວສານ

ການຜັນແປຂອງໂລກລະບາດໂຄວິດ-19 ຢູ່ຫວຽດນາມ ແລະ ໃນໂລກ

20/06/2020

ປະຈຸບັນ, ຫວຽດນາມ ມີ 349 ຄົນຕິດໂລກລະບາດໂຄວິດ-19, ໃນນັ້ນ 209 ຄົນແມ່ນຕິດມາຈາກຕ່າງປະເທດ.

(ພາບປະກອບ: AFP/TTXVN)

ໄລ່ຮອດເວລາ 18 ໂມງຂອງວັນທີ 19 ມິຖຸນາ, ເປັນມື້ທີ 64 ແລ້ວທີ່ຫວຽດນາມ ບໍ່ມີກໍລະນີຕິດໂລກລະບາດໃໝ່ໃນຊຸມຊົນ. ປະຈຸບັນ, ຫວຽດນາມ ມີ 349 ຄົນຕິດໂລກລະບາດໂຄວິດ-19, ໃນນັ້ນ 209 ຄົນແມ່ນຕິດມາຈາກຕ່າງປະເທດ, ພາຍຫຼັງເຂົ້າເມືອງກໍ່ໄດ້ແຍກຕົວໂດຍທັນທີ.

ໃນຂະນະນັ້ນ, ທົ່ວໂລກມີລວມທັງໝົດຜູ້ຕິດໂລກລະບາດໂຄວິດ-19 8.570.264 ຄົນ ໃນນັ້ນມີ 455.578 ຄົນເສຍຊີວິດ.

ໃນວັນທີ 18 ມິຖຸນາ, ອາເມລິກາ ແລະ ບຣາຊິນ ແມ່ນ 2 ປະເທດໃນໂລກມີກໍລະນີຕິດໂລກລະບາດໂຄວິດ-19 ໃໝ່ຫຼາຍທີ່ສຸດ, ດ້ວຍຈຳນວນຜູ້ຕິດເຊື້ອຕາມລຳດັບແມ່ນ 27.903 ແລະ 23.050 ຄົນ.

ຢູ່ເອີລົບ, ຍອດຈຳນວນຜູ້ຕິດໂລກລະບາດໂຄວິດ-19 ຢູ່ລັດເຊຍ ໄດ້ຂຶ້ນເຖິງ 561.091 ຄົນ, ພາຍຫຼັງທີ່ກວດພົບຜູ້ຕິດເຊື້ອໂຄວິດໃໝ່ຕື່ມອີກ 7.790 ຄົນ.

ຢູ່ອາຊີ, ອິນເດຍ ຍັງແມ່ນປະເທດທີ່ມີການແຜ່ລະບາດຢ່າງຮຸນແຮງຂອງໂລກລະບາດ, ດ້ວຍຈຳນວນຜູ້ຕິດໂລກລະບາດໃນມື້ໜຶ່ງເພີ່ມຂຶ້ນ 13.827 ຄົນ. ມາຮອດປະຈຸບັນ, ອິນເດຍ ມີຜູ້ຕິດໂລກລະບາດໂຄວິດ-19 ທັງໝົດແມ່ນ 381.091 ຄົນ.

ສ່ວນຢູ່ອິນໂດເນເຊຍ, ມາຮອດປະຈຸບັນຍັງແມ່ນປະເທດໜຶ່ງດຽວຢູ່ອາຊີຕາເວັນອອກສ່ຽງໃຕ້ທີ່ມີຜູ້ຕິດໂລກລະບາດໃນມື້ໜຶ່ງແມ່ນຫຼາຍກວ່າ 1.000 ຄົນ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.