ຂ່າວສານ
ການນຳພັກ, ລັດ ຫວຽດນາມ ເຂົ້າຄຳນັບສຸສານປະທານໂຮ່ຈີມິນ ເນື່ອງໃນໂອກາດບຸນປີໃໝ່ປະຈຳຊາດ ປີສະຫຼູ 2021
![](https://imagevietnam.vnanet.vn/Upload/2021/2/10/100220211315468721-lanhdaodang2cnhanuoc_gzsg.jpg)
ເຂົ້າຮ່ວມພິທີ, ມີທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ, ທ່ານຫົວໜ້າຄະນະໂຄສະນາສຶກສາ ສູນກາງພັກ ຫວໍວັນເຖືອງ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ເຈິ່ນແທັງເໝິນ… ພ້ອມດ້ວຍອະດີດການນຳພັກ, ລັດ, ສະພາແຫ່ງຊາດ, ນັກປະຕິວັດຜູ້ອາວຸໂສ ແລະ ການນຳບັນດາຄະນະ, ກະຊວງ, ຂະແໜງການ, ອົງການຈັດຕັ້ງມະຫາຊົນສູນກາງ.
ການນຳ ພັກ, ລັດ ໄດ້ສະແດງເຄົາລົບນັບຖືອາໄລຫາ, ສະແດງຄວາມຮູ້ບຸນຄຸນຢ່າງລົ້ນເຫຼືອຕໍ່ຄຸນງາມຄວາມດີອັນໃຫຍ່ຫຼວງຂອງປະທານ ໂຮ່ຈີມິນ - ການນຳທີ່ປີຊາສາມາດຂອງພັກ ແລະ ປະຊາຊົນ ຫວຽດນາມ, ແມ່ນອາຈານຜູ້ຍິ່ງໃຫຍ່ຂອງການປະຕິວັດ ຫວຽດນາມ.
ຕໍ່ຈາກນັ້ນ, ຄະນະຜູ້ແທນກໍໄດ້ໄປວາງພວງມາລາອາໄລຫາບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດ ຢູ່ ອະນຸສາວະລີ ນັກຮົບວິລະຊົນເສຍສະຫຼະຊີວິດເພື່ອຊາດທີ່, ຖະໜົນ ບັກເຊີນ, ຮ່າໂນ້ຍ ແລະ ໄປວາງພວມມາລາອາໄລຫາບັນດານັກປະຕິວັດລຸ້ນກ່ອນໆ ແລະ ນັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດ ຢູ່ສຸສານ ມາຍຢິກ, ຮ່າໂນ້ຍ.
![](https://imagevietnam.vnanet.vn/Upload/2021/2/10/1002202113155516811-thutuongnguyenxuanphucdanghuong_cqai.jpg)
ທ່ານນາຍົກລັດຖະມົນຕີ ຫງວຽນຊວນຟຸກ (ຢູ່ກາງ)
ໃນວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ກໍໄດ້ໄປຖວາຍດອກໄມ້ ຈູດທູບທຽນບູຊາ ອາໄລຫາປະທານໂຮ່ຈິມິນ ທີ່ເຮືອນເລກທີ 67 ໃນເຂດອະນຸສອນສະຖານປະທານໂຮ່ຈິມິນໃນບໍລິເວນທຳນຽບປະທານປະເທດຫວຽດນາມ
(ແຫຼ່ງຄັດຈາກ VOV)