ວັນທີ 11 ມິຖຸນາ, ສຳນັກຂ່າວສານສູນກາງ ສປປ.ເກົາຫຼີ ( KCNA) ໄດ້ໃຫ້ຂ່າວວ່າ ການນຳປະເທດນີ້ ທ່ານ KimJong Un ຈະປຶກສາຫາລືກ່ຽວກັບການພົວພັນໃໝ່ລະຫວ່າງພຽງຢາງ ແລະ ວໍຊິງຕັນ ທີ່ການພົບປະສຸດຍອດກັບ ທ່ານປະທານາທິບໍດີ ອາເມລິກາ Donald Trump ໃນວັນທີ 12 ມິຖຸນາ ຢູ່ສິງກະໂປ. ຕາມ ສຳນັກຂ່າວສານສູນກາງ ສປປ. ເກົາຫຼີ ແລ້ວ, ທີ່ການພົບປະ, ການນຳສອງທ່ານ ຈະແລກປ່ຽນທັດສະນະກ່ຽວກັບການກໍ່ສ້າງກົນໄກຮັກສາສັນຕິພາບແບບຍາວນານ ແລະ ຍືນຍົງ ຢູ່ແຫຼມເກົາຫຼີ ແລະ ປະຕິບັດການປອດນິວເຄຼຍ.
ວັນທີ 10 ມິຖຸນາ, ທຳນຽບຂາວໃຫ້ຮູ້ວ່າ ຄະນະຜູ້ແທນຂອງອາເມລິກາ ແລະ ສປປ.ເກົາຫຼີ ຈະພົບປະກັນຢູ່ ສິງກະໂປ ໃນວັນທີ 11 ມິຖຸນາ, ກ່ອນທີ່ດຳເນີນການພົບປະສຸດຍອດລະຫວ່າງ ທ່ານປະທານາທິບໍດີອາເມລິກາ Donald Trump ແລະ ການນຳ ສປປ.ເກົາຫຼີ ທ່ານ KimJong Un. ທ່ານປະທານາທິບໍດີອາເມລິກາ Donald Trump ກໍຈະມີການ ພົບປະກັບທ່ານນາຍົກລັດຖະມົນຕີ ສິງກະໂປ ຫຼີຊຽນຫຼົງ ໃນວັນທີ 11 ມິຖຸນາ ເຊັ່ນດຽວກັນ.
(ແຫຼ່ງຄັດຈາກ VOV)
