ທ່ານນາງ ເຈືອງທິມາຍ, ມາຢ້ຽມຢາມ ແລະ ອວຍພອນຢູ່ວັດ ຫງອັກມິງ
(ພາບ: TTXVN)
ເນື່ອງໃນໂອກາດວັນບຸນວິສາຂະບູຊາ ພສ 2563 - ຄສ 2019, ວັນທີ 05 ພຶດສະພາ, ຢູ່ນະຄອນເກິນເທີ, ທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງ ໄດ້ພ້ອມກັບການນຳບັນດາອົງການສູນກາງ, ການນຳນະຄອນເກິນເທີ ລົງຢ້ຽມຢາມ ແລະ ອວຍພອນວັນບຸນວິສາຂະບູຊາ ຢູ່ນະຄອນເກິນເທີ.
ມາຢ້ຽມຢາມ ແລະ ອວຍພອນ ພະມະຫາອາຈານ ທິ໊ກຢ໊າກເຍື່ອງ, ຮອງສາດສະດາ ສະພາສົງສະມາຄົມພຸດທະສາສະໜາຫວຽດນາມ ຢູ່ວັດ ຫງອັກມິງ. ໂດຍຕາງໜ້າໃຫ້ການນຳພັກ, ລັດ, ທ່ານນາງ ເຈືອງທິມາຍ ໄດ້ແຈ້ງໃຫ້ຊາບເຫດການວັນບຸນວິສາຂະບູຊາສະຫະປະຊາຊາດ Vesak 2019 ຄັ້ງທີ 3 ເຊິ່ງຫວຽດນາມ ເປັນເຈົ້າພາບຈັດຕັ້ງ ດ້ວຍຜູ້ແທນເຂົ້າຮ່ວມກວ່າ 500 ຄະນະ ແລະ ມີການນຳຂອງຫຼາຍປະເທດເຂົ້າຮ່ວມ. ຜ່ານນັ້ນໄດ້ຊີ້ໃຫ້ເຫັນວ່າ, ພຸດທະສາສະໜາຫວຽດນາມ ສືບຕໍ່ພັດທະນາ, ມີອິດທິພົນຊື່ສຽງຕໍ່ສາກົນ ແລະ ມີບາດກ້າວເຊື່ອມໂຍງທີ່ເລິກເຊິ່ງ, ກວ້າງຂວາງ.
ກ່ອນໜ້ານັ້ນ, ຄະນະຜູ້ແທນໄດ້ໄປຢ້ຽມຢາມ, ອວຍພອນ ພະມະຫາອາຈານ ດ່າວຍື, ຮອງປະທານສະພາບໍລິຫານງານພຸດທະສາສະໜາຫວຽດນາມ; ຢ້ຽມຢາມ, ອວຍພອນຢູ່ວັດ Prek On Dok, ຢູ່ເມືອງ ມິ້ຊວຽນ, ແຂວງຊອກຈັງ.
ແລະກໍ່ໃນວັນທີ 05 ພຶດສະພາ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈິນແທັງເມີນ, ພ້ອມກັບຄະນະປະຕິບັດງານລົງໄປຢ້ຽມຢາມ, ພວຍພອນພະມະຫາອາຈານ ທິ໊ກຈິ໊ຫາຍ, ກຳມະການສະພາສົງພຸດທະສາສະໜາຫວຽດນາມ, ເຈົ້າອະທິການວັດຕິ້ງກວາງ, ພ້ອມກັບບັນດາຜູ້ມີຍົດຖາບັນດາສັກ, ພະສົງສຳມະເນນ, ພຸດທະສາສະນິກກະຊົນຢູ່ວັດ ຕິ້ງກວາງ, ຂຶ້ນກັບເມືອງ ຈ້ຽວຟອງ, ແຂວງກວາງຈິ້, ເນື່ອງໃນໂອກາດວັນບຸນວິສາຂະບູຊາ ພສ 2563 - ຄສ 2019.
(ແຫຼ່ງຄັດຈາກ VOV)
