ຊາວ​ລິ​ໄພ ຊູ​ດັງ ຢູ່ Adré, Chad (ພາບ: REUTERS/Zohra Bensemra)  

ໃນ​ກອ​ງ​ປະ​ຊຸມ​ສາ​ກົນ​ກ່ຽວ​ກັບ​ການ​ໜູນ​ຊ່ວຍ ຊູ​ດັງ ໂດຍ ເຢຍ​ລະ​ມັນ ເປັນ​ເຈົ້າ​ພາບ ທີ່​ຖືກ​ຈ​ັດ​ຂຶ້ນ​ໃນ​ວັນ​ທີ 15 ເມ​ສາ ຢູ່ Berlin, ບັນ​ດາ​ປະ​ເທດ​ໄດ້​ໃຫ້​ຄຳ​ໝັ້ນ​ສັນ​ຍາ​ຈະ​ໃຫ້​ການ​ຊ່ວຍ​ເຫຼືອກວ່າ 1,3 ຕື້ ເອີ​ໂຣ (ປະ​ມ​ານ 1,5 ຕື້ USD), ແນ​ໃສ່​ຊ່ວຍ​ປະ​ຊາ​ຊົນ​ຜູ້​ຖືກ​ຜົນ​ກະ​ທົບ​ຈາກ​ສົງ​ຄາມ ທີ່​ພວມ​ກ້າວ​ເຂົ້າ​ສູ່​ປີ​ທີ 4 ຢູ່​ບັນ​ດາ​ປະ​ເທດ ອາ​ຟະ​ຣິ​ກາ ຕາ​ເວັນ​ອອກ​ສ່ຽງ​ເໜືອ​ນີ້.

ຕາມ​ອົງ​ການ​ອະ​ນາ​ໄມ​ໂລກ (WHO) ແລ້ວ, ສົງ​ຄາມ​ໄດ້​ເຮັດ​ໃຫ້​ລະ​ບົບ​ສາ​ທາ​ລະ​ນະ​ສຸກ​ສ່ວນ​ຫຼາຍ​ຂອງ ຊູ​ດັງ ຖືກ​ຢຸດ​ສະ​ງັກ, ດ້ວຍ 217 ຮາກ​ຖານ​ສາ​ທາ​ລະ​ນະ​ສຸກ​ຖືກ​ບຸກ​ໂຈມ​ຕີ. ການ​ເຄື່ອນ​ໄຫວ​ຊ່ວຍ​ເຫຼື​ອ​ມະ​ນຸ​ດ​ສະ​ທຳ​ປະ​ສົບ​ກັບ​ຄວາມ​ຫຍຸ້ງ​ຍາກ ຍ້ອນ​ລະ​ບົບ​ຄົມ​ມະ​ນາ​ຄົມ​ຖືກ​ຂາດ​ວັກ​ຂາດ​ຕອນ, ພື້ນ​ຖານ​ໂຄງ​ລ່າງ​ຖືກ​ເປ່​ເພ ແລະ ຈຳ​ກັດ​ກາ​ນ​ບໍ​ລິ​ຫານ, ເຮັດ​ໃຫ້​ເດັກ​ນ້ອຍຫຼາຍ​ຄົນ​ບໍ່​ໄດ້​ເຂົ້າ​ເຖິງ​ການ​ຊ່ວຍ​ເຫຼືອ.