ກອງປະຊຸມປຶກສາຫາລືເຈົ້າໜ້າທີ່ອາວຸໂສອາຊຽນ - ຈີນ (ACSOC) (ພາບ: ກະຊວງການຕ່າງປະເທດ) 

ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມ, ຫົວໜ້າSOM ອາຊຽນຂອງຫວຽດນາມ ເປັນຕາງໜ້າໃຫ້ຫວຽດນາມເຂົ້າຮ່ວມກອງປະຊຸມໃນບົດບາດເປັນປະທານອາຊຽນ.

ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດ ໄດ້ຢັ້ງຢືນວ່າ ອາຊຽນໄດ້ສະແດງຄວາມຕັດສິນໃຈດ້ານການເມືອງຢູ່ລະດັບສູງສຸດ, ຍູ້ແຮງການສົມທົບກັນເຄື່ອນໄຫວ ແລະ ຮັບມືລວມ ຕາມເນື້ອໃນຈິດໃຈສະໜິດຕິດພັນ ແລະ ເປັນເຈົ້າການຮັບມືຂອງອາຊຽນໃນປີ 2020. ທ່ານຫງວຽນກ໊ວກຢຸງ ໄດ້້ເນັ້ນໜັກວ່າໃນໄລຍະຈະມາເຖິງ, ອາຊຽນ ແລະ ຈີນໃນຖານະເປັນຄູ່ຮ່ວມມືຍຸດທະສາດຂອງກັນ, ຄວນສືບຕໍ່ເພີ່ມທະວີການສົມທົບກັນຮັບມືກັບໂລກລະບາດຢ່າງມີປະສິດທິຜົນ.

ທ່ານ ຫງວຽນກ໊ວກຢຸງ ຢັ້ງຢືນວ່າ ອາຊຽນສືບຕໍ່ສົມທົບກັນຢ່າງແໜ້ນແຟ້ນກັບຈີນໃນການຜັນຂະຫຍາຍຖະແຫຼງການວ່າດ້ວຍວິທີການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ ແລະ ສູ້ຊົນ ສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໃຫ້ເໝາະສົມກັບກົດໝາຍສາກົນ, ໃນນັ້ນມີ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ ປີ 1982. ບັນດາປະເທດກໍ່ໄດ້ຮັບຮູ້ການປະກາດຂອງຫວຽດນາມ, ໃນບົດບາດເປັນປະທານອາຊຽນກ່ຽວກັບແຜນການຈັດຕັ້ງບັນດາກອງປະຊຸມຂັ້ນລັດຖະມົນຕີ ແລະ ຂັ້ນສູງລະຫວ່າງ ອາຊຽນ ແລະ ຈີນໃນປີ 2020.

(ແຫຼ່ງຄັດຈາກ VOV)