ກອງປະຊຸມໂຄສະນາກ່ຽວກັບ ອາຊຽນ ແລະ ກະກຽມໃຫ້ແກ່ປີເປັນປະທານ ອາຊຽນ 2020 (ພາບ: TTXVN)
ກ່າວຄໍາເຫັນທີ່ພິທີໄຂ, ທ່ານ ເລກວນ, ຮອງລັດຖະມົນຕີກະຊວງແຮງງານ, ທະຫາຍເສຍອົງຄະ ແລະ ສັງຄົມ ໃຫ້ຮູ້ວ່າ ຫວຽດນາມ ພວມຢູ່ໃນຈຸດເວລາສໍາຄັນ ເມື່ອລັດຖະບານບັນດາກະຊວງ, ຂະແໜງການ ພວມຮີບຮ້ອນ ແລະ ຍູ້ໄວຄວາມຄືບໜ້າບັນດາວຽກງານກະກຽມໃຫ້ປີເປັນປະທານ ອາຊຽນ 2020. ທ່ານກ່າວວ່າ:
“ຫວຽດນາມ ມຸ່ງໄປສູ່ການເພີ່ມທະວີຄາດໝາຍພັດທະນາແຫຼ່ງຊັບພະຍາກອນມະນຸດ, ປຶກສາຫາລືກ່ຽວກັບບັນຫາການສຶກສາ, ສາທາລະນະສຸກຢ່າງລະອຽດກວ່າອີກ; ພິເສດ, ແມ່ນສະກັດກັ້ນບັນດາຂໍ້ມູນຂ່າວທີ່ບໍ່ມີມູນຄວາມຈິງ. ນີ້ແມ່ນປີສໍາຄັນທີ່ສຸດຂອງປະຊາຄົມອາຊຽນ. ດ້ວຍບົດບາດເປັນຫົວໜ່ວຍປະສານງານຂອງປະຊາຄົມວັດທະນະທໍາ - ສັງຄົມ ອາຊຽນ, ກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ຈະສົມທົບກັບຄະນະເລຂາອາຊຽນ ໃນການສ້າງໂຄງການເຄື່ອນໄຫວໃຫ້ແກ່ປີເປັນປະທານ ອາຊຽນ ປີ 2020. ຂ້າພະເຈົ້າປາດຖະໜາວ່າ ບັນດາກະຊວງ, ຂະແໜງການທີ່ກ່ຽວຂ້ອງໃນປະຊາຄົມຂອງພວກເຮົາ ຈະເພີ່ມທະວີການສ້າງແຜນການເຄື່ອນໄຫວ ແລະ ສົມທົບກັບພວກຂ້າພະເຈົ້າ ເພື່ອປະຕິບັດໜ້າທີ່ອັນສໍາຄັນນີ້ໃນ 2020”.
ທີ່ກອງປະຊຸມ, ບັນດາຜູ້ແທນໄດ້ແລກປ່ຽນກ່ຽວກັບບັນດາບຸລິມະສິດຂອງປະຊາຄົມວັດທະນະທໍາ - ສັງຄົມ ອາຊຽນ ໃນປີ 2020, ໃນນັ້ນ ຮັບຮູ້ວ່າ ຈະເພີ່ມທະວີບັນດາການປຶກສາຫາລືກ່ຽວກັບບັນຫາການພັດທະນາແຫຼ່ງຊັບພະຍາກອນມະນຸດ ແລະ ກໍານົດບັນດາເນື້ອໃນໃນວຽກງານກະກຽມກໍຄື ການສົມທົບລະຫວ່າງຄະນະເລຂາ ອາຊຽນ ກັບ ຫວຽດນາມ ໃນປີ 2020.
(ແຫຼ່ງຄັດຈາກ VOV)
