ທ່ານເລຂາທິການໃຫຍ່ ສະພາແຫ່ງຊາດຫວຽດນາມ ຫງວຽນແຫ້ງຟຸກ ໄດ້ເປັນປະທານກອງປະຊຸມຖະແຫຼງຂ່າວ (ພາບ: quochoi.vn)

ກອງປະຊຸມເທື່ອທີ 9, ສະພາແຫ່ງຊາດຫວຽດນາມຊຸດທີ 14 ຈະໄຂຂຶ້ນໃນຕອນເຊົ້າວັນທີ 20 ພຶດສະພາ ຈະມາເຖິງ. ໃນກອງປະຊຸມຄ້ັງນີ້, ສະພາແຫ່ງຊາດຈະເຮັດວຽກພາຍໃນ 19 ວັນ ໂດຍໄດ້ແບ່ງເປັນສອງບັ້ນປະຊຸມ. ບັ້ນທີ 1 ຈະປະຊຸມຜ່ານທາງອອນລາຍ ແລະ ບັ້ນທີ 2 ຈະໂຮມປະຊຸມຢູ່ທີ່ຫໍສະພາແຫ່ງຊາດ ແລະ ຈະອັດລົງໃນວັນທີ 18 ມິຖຸນາ 2020.

        ທີ່ກອງປະຊຸມຄັ້ງນີ້, ສະພາແຫ່ງຊາດຈະໃຊ້ເວລາປະມານ 10 ວັນໃຫ້ແກ່ວຽກງານກໍ່ສ້າງກົດໝາຍ. ໄປຄຽງຄູ່ກັນນັ້ນ, ສະພາແຫ່ງຊາດຈະພິຈາລະນາບົດລາຍງານກ່ຽວກັບດ້ານເສດຖະກິດ - ສັງຄົມ ແລະ ງົບປະມານແຫ່ງລັດ.

        ໃນກອງປະຊຸມຄັ້ງນີ້, ສະພາແຫ່ງຊາດຈະບໍ່ດໍາເນີນການຊັກຖາມ ແລະ ຕອບຄໍາຊັກຖາມທີ່ວາລະປະຊຸມຄົບຄະນະ, ເຊິ່ງບັນດາສະມາຊິກສະພາແຫ່ງຊາດຈະປະຕິບັດການຊັກຖາມດ້ວຍຮູບແບບສົ່ງເອກະສານເປັນລາຍລັກອັກສອນ ແລ້ວລັດຖະມົນຕີບັນດາກະຊວງ, ສະມາຊິກລັດຖະບານ ຈະໃຫ້ຄໍາຕອບຕາມກໍານົດ.

(ແຫຼ່ງຄັດຈາກ VOV)