ຂ່າວສານ

ກອງບັນຊາການທະຫານເຂດ II ມອບອຸປະກອນການແພດໃຫ້ແກ່ກຳລັງທະຫານບັນດາແຂວງທາງພາກເໜືອລາວ

22/04/2020

ຕອນເຊົ້າວັນທີ 21 ເມສາ, ທີ່ດ່ານຊາຍແດນສາກົນໄຕຈາງ (ແຂວງດ້ຽນບຽນ, ຫວຽດນາມ), ຄະນະປະຕິບັດງານຂອງກອງບັນຊາການທະຫານເຂດ II ໂດຍທ່ານພົນຈັດຕະວາ ຟ້າມຮົ່ງເຈືອງ, ຜູ້ບັນຊາການເປັນຫົວໜ້າຄະນະໄດ້ຈັດຕັ້ງພິທີມອບຮັບອຸປະກອນການແພດໃຫ້ແກ່ບັນດາທ້ອງຖິ່ນ, ກົມກອງທະຫານຕ່າງໆທີ່ຂຶ້ນກັບບັນດາແຂວງທາງພາກເໜືອລາວເພື່ອປ້ອງກັນ, ສະກັດກັ້ນໂລກລະບາດ Covid – 19 ເຊິ່ງມີມູນຄ່າ ກ່ວາ 2 ຕື້ ດົ່ງ.

ພິທີມອບຮັບອຸປະກອນການແພດ (ພາບ: TTXVN)

ທ່ານພົນຈັດຕະວາ ຟ້າມຮົ່ງເຈືອງ ໃຫ້ຮູ້ວ່າ: ໂລກລະບາດ Covid – 19ພວມຜັນແປຢ່າງສັບສົນ, ກອງບັນຊາການທະຫານເຂດ II ໄດ້ຊີ້ນຳບັນດາຫົວໜ່ວຍ, ກອງບັນຊາການທະຫານບັນດາແຂວງ, ນອກຈາກການປະຕິບັດວຽກງານໂຄສະນາການປ້ອງກັນ, ສະກັດກັ້ນໂລກລະບາດໃຫ້ເປັນຢ່າງດີແລ້ວ ຫາກຍັງຕ້ອງເພີ່ມທະວີການໜູນຊ່ວຍບັນດາຫົວໜ່ວຍແຮກສ່ຽວ ແລະ ທ້ອງຖິ່ນຕ່າງໃນບໍລິເວນບັນດາແຂວງທາງພາກເໜືອລາວ ດ້ວຍວິທີການພ້ອມແລ້ວທີ່ຈະສົ່ງກຳລັງ, ໜູນຊ່ວຍອຸປະກອນ, ວັດຖຸ…ອີກດ້ວຍເພື່ອເພີ່ມທະວີການປ້ອງກັນ, ສະກັດກັ້ນໂລກລະບາດ Covid – 19 ບັນລຸໄດ້ປະສິດທິຜົນສູງ.

(ພາບປະກອບ: quochoi.vn)

ທ່ານເຈິ່ນເກິ້ມຕູ ຜູ້ປະຈຳການຄະນະເລຂາທິການໃຫ້ການຕ້ອນຮັບຄະນະພະນັກງານຂັ້ນສູງ ພັກປະຊາຊົນປະຕິວັດ ລາວ

22/09/2026
ຂ່າວສານ

ທ່ານ ຄຳພັນ ບຸນພາຄົມ ຮອງລັດຖະມົນຕີກະຊວງຍຸຕິທຳລາວ ຢັ້ງຢືນຈະໝູນໃຊ້, ເສີມຂະຫຍາຍບັນດາຄວາມຮູ້, ບົດຮຽນທີ່ຖອດຖອນໄດ້ຈາກໂຄງການເຂົ້າໃນວຽກງານຕົນຈິງ, ປະກອບສ່ວນຢ່າງແທດຈິງເຂົ້າການສືບຕໍ່ຮັກສາ ແລະ ເພີ່ມພູນຄູນສ້າງການພົວພັນແບບພິເສດ ລະຫວ່າງສອງພັກ, ສອງລັດ ລາວ ແລະ ຫວຽດນາມ.