ການນໍາກະຊວງສາທາລະນະສຸກ ຫວຽດນາມ ຖະແຫຼງຂ່າວກ່ຽວກັບກອງປະຊຸມການແພດຕາເວັນອອກ, ການແພດພື້ນເມືອງ ບັນດາປະເທດອະນຸພາກພື້ນແມ່່ນໍ້າຂອງ ຄັ້ງທີ 9 (ພາບ: PA)

ກອງປະຊຸມດັ່ງກ່າວ ເພື່ອແນໃສ່ຕີລາຄາໝາກຜົນຂອງການຜັນຂະຫຍາຍບັນດາເນື້ອໃນທີ່ໄດ້ວາງອອກຢູ່ກອງປະຊຸມຄັ້ງທີ 8 ປີ 2017 ທີ່ຈັດຂຶ້ນຢູ່ ຢາງກຸງ ປະເທດມຽນມາ, ພ້ອມທັງສືບຕໍ່ປຶກສາຫາລືກ່ຽວກັບບັນດາເນື້ອໃນການຮ່ວມມືກ່ຽວກັບການແພດຕາເວັນອອກຂອງບັນດາປະເທດຂຶ້ນກັບເຂດອະນຸພາກພື້ນແມ່ນໍ້າຂອງ.

        ກອງປະຊຸມດັ່ງກ່າວມີການເຂົ້າຮ່ວມຂອງຜູ້ແທນເກືອບ 250 ທ່ານ ທີ່ມາຈາກບັນດາປະເທດເຂດລຸ່ມແມ່ນໍ້າຂອງ, ບາງປະເທດໃນກຸ່ມ ອາຊຽນ, ອົງການຈັດຕັ້ງສາກົນ ປະຈໍາ ຫວຽດນາມ ແລະ ຜູ້ແທນຂອງຫວຽດນາມ. ໃນຂອບເຂດກອງປະຊຸມ ຈະມີບັນດາການເຄື່ອນໄຫວຄື: ງານວາງສະແດງກ່ຽວກັບ ການແພດຕາເວັນອອກຂອງບັນດາປະເທດ, ການສະແດງບັນດາວິທີປິ່ນປົ່ວພະຍາດດ້ວຍການແພດຕາເວັນອອກ ທີ່ເປັນເອກະລັກສະເພາະ ແລະ ກອງປະຊຸມສໍາມະນາວິທະຍາສາດສາກົນ. ນອກຈາກນັ້ນ, ຢູ່ກອງປະຊຸມຍັງຈະສະເໜີບັນດາເນື້ອໃນຮ່ວມມືລະຫວ່າງຫວຽດນາມ ກັບບັນດາປະເທດໃນເຂດລຸ່ມແມ່ນໍ້າຂອງ ແລະ ຫວຽດນາມ ກັບ ຈີນ ກ່ຽວກັບການອະນຸລັກຮັກສາ, ພັດທະນາການແພດຕາເວັນອອກ.

(ແຫຼ່ງຄັດຈາກ VOV)