(ບັນດາຜູ້ແທນເຂົ້າຮ່ວມກອງປະຊຸມ)
ຕອນເຊົ້າວັນທີ 08 ມີນາ, ກອງປະຊຸມເຈົ້າໜ້າທີ່ເສດຖະກິດຂັ້ນສູງອາຊຽນ - SEOM ກະກຽມໃຫ້ກອງປະຊຸມລັດຖະມົນຕີເສດຖະກິດອາຊຽນ ວົງແຄບຄັ້ງທີ 26 ໄຂຂຶ້ນພາຍໃຕ້ການເປັນປະທານຂອງປະເທດເຈົ້າພາບຫວຽດນາມ.
ກອງປະຊຸມກະກຽມນີ້ໄດ້ປຶກສາຫາລືຫຼາຍເນື້ອໃນສຳຄັນ, ຄາດວ່າຈະໄດ້ກວດກາ, ຮັບຮອງເອົາ ແລະ ສືບຕໍ່ຜັນຂະຫຍາຍໃນປີອາຊຽນ 2020, ໂດຍຫວຽດນາມ ເປັນເຈົ້າພາບຈັດຕັ້ງ.
ຈຸດພົ້ນເດັ່ນຂອງກອງປະຊຸມ SEOM ກະກຽມແມ່ນ 13 ບຸລິມະສິດໂດຍຫວຽດນາມ ສະເໜີໃນປີຫວຽດນາມ ດຳລົງຕຳແໜ່ງປະທານອາຊຽນ 2020 ຈະໄດ້ຍົກອອກມາເພື່ອປຶກສາຫາລືຢູ່ AEM ວົງແຄບ 26 ກ່ອນທີ່ເປັນເອກະພາບບັນດາເນື້ອໃນຈຸດສຸມທີ່ຈະປະຕິບັດໃນປີນີ້. ບັນດາບຸລິມະສິດດັ່ງກ່າວ ບົນພື້ນຖານແມ່ນອີງໃສ່ 3 ການກຳນົດທິດຕົ້ນຕໍຄື: ຊຸກຍູ້ການຮ່ວມສຳພັນ ແລະ ເຊື່ອມຕໍ່ເສດຖະກິດພາກພື້ນພາຍໃນກຸ່ມອາຊຽນ; ຍູ້ແຮງການພົວພັນຄູ່ຮ່ວມມືເພື່ອສັນຕິພາບ ແລະ ການພັດທະນາແບບຍືນຍົງ; ຍົກສູງກຳລັງຮັບມື ແລະ ປະສິດທິຜົນການເຄື່ອນໄຫວຂອງອາຊຽນ.
ໝາກຜົນການປຶກສາຫາລືທີ່ກອງປະຊຸມ SEOM ຄັ້ງນີ້ຈະໄດ້ລາຍງານຕໍ່ບັນດາລັດຖະມົນຕີທີ່ກອງປະຊຸມລັດຖະມົນຕີເສດຖະກິດ ວົງແຄບຄັ້ງທີ 26, ໃນວັນທີ 10 ມີນາ, ເຊິ່ງຈະຈັດຂຶ້ນຢູ່ດ່ານັ້ງ.
(ແຫຼ່ງຄັດຈາກ VOV)