ຢູ່ນະຄອນ Ouarzazate ຢູ່ ປະເທດ Morocco, ສະຖານທູດຫວຽດນາມ ປະຈຳ Morocco ໄດ້ສົມທົບກັບ ຫ້ອງການການຄ້າ, ອຸດສາຫະກຳ ແລະ ທ່ອງທ່ຽວ ເຂດ Draa Tafilalet ຫາກໍ່ຈັດຕັ້ງກອງປະຊຸມສຳມະນາ “ພື້ນຖານເສດຖະກິດ ຫວຽດນາມ”.
ບັນດາຜູ້ແທນເຂົ້າຮ່ວມກອງປະຊຸມສຳມະນາ
ຢູ່ນະຄອນ Ouarzazate ຢູ່ ປະເທດ Morocco, ສະຖານທູດຫວຽດນາມ ປະຈຳ Morocco ໄດ້ສົມທົບກັບ ຫ້ອງການການຄ້າ, ອຸດສາຫະກຳ ແລະ ທ່ອງທ່ຽວ ເຂດ Draa Tafilalet ຫາກໍ່ຈັດຕັ້ງກອງປະຊຸມສຳມະນາ “ພື້ນຖານເສດຖະກິດ ຫວຽດນາມ”. ກອງປະຊຸມໄດ້ດຶງດູດ ຜູ້ແທນເກືອບ 100 ຄົນ. ທ່ານ ເຈີນກວກຖູຍ, ເອກອັກຄະລັດຖະທູດຫວຽດນາມ ປະຈຳ Morocco ໄດ້ແນະນຳໂດຍສັງເຂບກ່ຽວກັບການພົວພັນລະຫວ່າງ ຫວຽດນາມ ແລະ Morocco ໃນໄລຍະຜ່ານມາ. ຕາມທ່ານ ເຈີນກວກຖູຍ ແລ້ວ, ວົງເງິນການຄ້າສອງຝ່າຍ ໄດ້ພັດທະນາຢ່າງວ່ອງໄວ ແລະ ເປັນປົກກະຕິໃນເກືອບທົດສະວັດຜ່ານມາ ແຕ່ຍັງບໍ່ທັນຕອບສະຫນອງໄດ້ຕາມຄວາມມຸ້ງມາດປາດຖະຫນາ ແລະ ຄວາມສາມາດບົ່ມຊ້ອນຂອງທັງສອງຝ່າຍເທື່ອ. ດ້ວຍຄວາມໝາຍນັ້ນ, ທ່ານ ເອກອັກຄະລັດຖະທູດ ເຈີນກວກຖູຍ ຫວັງວ່າ: ກອງປະຊຸມສຳມະນາຄັ້ງນີ້ ຈະປະກອບສ່ວນເພີ່ມທະວີການລົງທຶນດ້ານການຄ້າລະຫວ່າງສອງປະເທດ. ທີ່ກອງປະຊຸມສຳມະນາ, ວິສາຫະກິດສອງຝ່າຍ ໄດ້ມີໂອກາດເພື່ອປຶກສາຫາລື, ແກ້ໄຂຂໍ້ຕິດຄັດກ່ຽວກັບຮູບການຮ່ວມມືລະຫວ່າງວິສາຫະກິດກັບວິສາຫະກິດ ແລະ ລະຫວ່າງວິສາຫະກິດກັບອຳນາດການປົກຄອງທ້ອງຖິ່ນ.
(ແຫຼ່ງຄັດຈາກ VOV)
