• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຫວຽດນາມ ຊຸດທີ 14 ຖືກໄຂຂຶ້ນຢ່າງສົມກຽດ

ກອງປະຊຸມຄັ້ງນີ້ແມ່ນໂອກາດເພື່ອຕີລາຄາ, ຫວນຄືນບັນດາຜົນງານທີ່ບັນລຸໄດ້, ບັນດາສິ່ງທີ່ຍັງຄົງຄ້າງ, ຂໍ້ຈຳກັດໃນບັນດາຂົງເຂດສ້າງກົດໝາຍ, ປະຕິບັດກົດໝາຍ, ຍຸຕິທຳ ແລະ ບັນດາວຽກງານອື່ນໆ.
ທ່ານນາງປະທານສະພາແຫ່ງຊາດ ຫງວຽນທິກິມເງິນ. (ພາບ: VGP)

ກອງປະຊຸມສະໄໝສາມັນເທື່ອທີ 11, ເຊິ່ງແມ່ນກອງປະຊຸມເທື່ອສຸດທ້າຍຂອງສະພາແຫ່ງຊາດຫວຽດນາມ ຊຸດທີ 14 ຖືກໄຂຂຶ້ນໃນຕອນເຊົ້າວັນທີ 24 ມີນາ ຢ່າງເປັນທາງການ. ເຂົ້າຮ່ວມພິທີໄຂກອງປະຊຸມມີທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ, ທ່ານນາຍົກລັດຖະມົນຕີ ຫງວຽນຊວັນຟຸກ, ທ່ານນາງປະທານສະພາແຫ່ງຊາດ ຫງວຽນທິກິມເງິນ, ບັນດານັກປະຕິວັດຜູ້ອະວຸໂສ, ຜູ້ຕາງໜ້າບັນດາຄະນະທູຕານຸທູດ, ພ້ອມກັບບັນດາສະມາຊິກສະພາແຫ່ງຊາດຊຸດທີ 14.

        ກ່າວຄຳເຫັນໄຂກອງປະຊຸມ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໃຫ້ຮູ້ວ່າ, ກອງປະຊຸມເທື່ອທີ 11 ແມ່ນກອງປະຊຸມເທື່ອສຸດທ້າຍຂອງອາຍຸການສະພາແຫ່ງຊາດຊຸດທີ 14, ຖືກດຳເນີນໃນຈຸດເວລາທົ່ວປະເທດພວມສຸມໃສ່ຜັນຂະຫຍາຍການປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ແລະ ກະກຽມຈັດຕັ້ງການເລືອກຕັ້ງສະມາຊິກສະພາແຫ່ງຊາດຊຸດທີ 15, ສະມາຊິກສະພາປະຊາຊົນທຸກຂັ້ນອາຍຸການ 2021 – 2026. ກ່ຽວກັບກອງປະຊຸມຄັ້ງນີ້, ທ່ານນາງປະທານສະພາແຫ່ງຊາດ ຫງວຽນທິກິມເງິນ, ໃຫ້ຮູ້ວ່າ.

        “ກອງປະຊຸມຄັ້ງນີ້ແມ່ນໂອກາດເພື່ອຕີລາຄາ, ຫວນຄືນບັນດາຜົນງານທີ່ບັນລຸໄດ້, ບັນດາສິ່ງທີ່ຍັງຄົງຄ້າງ, ຂໍ້ຈຳກັດໃນບັນດາຂົງເຂດສ້າງກົດໝາຍ, ປະຕິບັດກົດໝາຍ, ຍຸຕິທຳ ແລະ ບັນດາວຽກງານອື່ນໆ, ຈາກນັ້ນໄຈ້ແຍກສາຍເຫດຢ່າງຈະແຈ້ງ, ຖອດຖອນບົດຮຽນ ເພື່ອເປັນພື້ນຖານໃຫ້ເລື່ອງສືບຕໍ່ປ່ຽນແປງໃໝ່, ຍົກສູງປະສິດທິພາບ, ປະສິດທິຜົນການເຄື່ອນໄຫວໃນອາຍຸການ. ອາດເວົ້າໄດ້ວ່າ, ນີ້ແມ່ນກອງປະຊຸມມີລັກສະນະເປັນຂົວເຊື່ອມຕໍ່, ປະກອບສ່ວນເຂົ້າໃນການມອບ-ຮັບອາຍຸການຂອງບັນດາອົງການສຳນັກງານໃນກົງຈັກລັດ”.

        ພາຍຫຼັງບົດກ່າວປາໄສໄຂກອງປະຊຸມ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ສະເໜີບົດລາຍງານວຽກງານຂອງສະພາແຫ່ງຊາດ ອາຍຸການຊຸດທີ 14. ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ສະເໜີບົດລາຍງານສະຫຼຸບວຽກງານອາຍຸການ 2016 – 2021 ຂອງປະທານປະເທດ. ທ່ານນາຍົກລັດຖະມົນຕີ ຫງວຽນຊວັນຟຸກ ສະເໜີບົດລາຍງານສະຫຼຸບວຽກງານອາຍຸການ 2016 – 2021 ຂອງລັດຖະບານ…

(ແຫຼ່ງຄັດຈາກ VOV)

ມະຕິເລກທີ 43 ກ່ຽວກັບການຟື້ນຟູເສດຖະກິດ - ສັງຄົມໄດ້ນຳມາເຊິ່ງປະສິດທິຜົນ

ມະຕິເລກທີ 43 ກ່ຽວກັບການຟື້ນຟູເສດຖະກິດ - ສັງຄົມໄດ້ນຳມາເຊິ່ງປະສິດທິຜົນ

ຕອນເຊົ້າວັນທີ 25 ພຶດສະພາ, ສືບຕໍ່ ກອງປະຊຸມສະໄໝສາມັນເທື່ອທີ 7 ຂອງສະພາ ແຫ່ງຊາດຊຸດທີ 15, ບັນດາ ສ.ສ.ຊ ໄດ້ປຶກສາຫາລືຢູ່ຫໍປະຊຸມກ່ຽວກັບບົດລາຍງານຂອງຄະນະຕິດຕາມກວດກາ ແລະ ຮ່າງມະຕິຂອງ ສະພາແຫ່ງຊາດກ່ຽວກັບໝາກຜົນການຕິດຕາມກວດກາຫົວເລື່ອງ “ການປະຕິບັດມະຕິເລກທີ 43 ກ່ຽວກັບນະໂຍບາຍປີການເງິນ, ເງິນຕາເພື່ອໜູນຊ່ວຍໂຄງການຟື້ນຟູ ແລະ ພັດທະນາເສດຖະກິດ - ສັງຄົມ ແລະ ມະຕິຂອງສະພາແຫ່ງຊາດກ່ຽວກັບບາງໂຄງການສຳຄັນຂອງຊາດຮອດທ້າຍປີ 2023”.

Top