ຂ່າວສານ

ກອງປະຊຸມຂັ້ນສູງນາຍຕຳຫຼວດອີຕາລີ-ອາຊຽນ ຈະດຳເນີນໃນລະຫວ່າງວັນທີ 09 – 13 ພະຈິກ

29/09/2020

ທ່ານນາງເອກອັກຄະລັດຖະທູດ ຫງວຽນທິບິ໊ກເຫ້ວ, ປະທານຄະນະກຳມະການ ACR ຢືນຢັນວ່າ, ຄະນະກຳມະການ ACR ຈະສົມທົບກັບບັນດາອົງການທີ່ມີໜ້າທີ່ຂອງອີຕາລີ ຢ່າງແໜ້ນແຟ້ນ ເພື່ອຮັບປະກັນຜົນສຳເລັດຂອງກອງປະຊຸມ

ວາລະປຶກສາຫາລື
(ພາບ: baoquocte.vn)

ໂດຍໄດ້ຮັບຄຳເຊີນຂອງກະຊວງພາຍໃນ ແລະ ກະຊວງການຕ່າງປະເທດ ແລະ ຮ່ວມມືສາກົນອີຕາລີ, ວັນທີ 25 ກັນຍາ, ຄະນະກຳມະການບັນດາປະເທດອາຊຽນ ປະຈຳ ໂຣມ (ACR) ໄດ້ໄປຢ້ຽມຢາມວິທະຍາຄານກຳລັງປະຕິບັດກົດໝາຍລະຫວ່າງຂະແໜງ ເພື່ອກະກຽມໃຫ້ແກ່ກອງປະຊຸມຂັ້ນສູງນາຍຕຳຫຼວດ ຄາດວ່າຈະດຳເນີນໃນລະຫວ່າງວັນທີ 09 – 13 ພະຈິກ. ຢູ່ທີ່ນີ້, ທ່ານຮອງຫົວໜ້າຜູ້ບັນຊາການຕຳຫຼວດອີຕາລີ Sandra Guidi ຢືນຢັນວ່າ, ກອງປະຊຸມຂັ້ນສູງບັນດານາຍຕຳຫຼວດອີຕາລີ - ອາຊຽນ ແມ່ນໂອກາດເພື່ອໃຫ້ 2 ຝ່າຍເພີ່ມທະວີຄວາມເຂົ້າໃຈເຊິ່ງກັນແລະກັນ ແລະ ສົມທົບກັນໃນການຕ້ານອາຊະຍາກຳຂ້າມຊາດ. ສ່ວນທ່ານນາງເອກອັກຄະລັດຖະທູດ ຫງວຽນທິບິ໊ກເຫ້ວ, ປະທານຄະນະກຳມະການ ACR ຢືນຢັນວ່າ, ຄະນະກຳມະການ ACR ຈະສົມທົບກັບບັນດາອົງການທີ່ມີໜ້າທີ່ຂອງອີຕາລີ ຢ່າງແໜ້ນແຟ້ນ ເພື່ອຮັບປະກັນຜົນສຳເລັດຂອງກອງປະຊຸມ, ປະກອບສ່ວນເປີດໜ້າປະຫວັດສາດໃໝ່ໃຫ້ແກ່ການຮ່ວມມື ລະຫວ່າງ 2 ພາກພື້ນໃຫ້ນັບມື້ນັບມີຄຸນນະພາບກວ່າ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.