ທ່ານ Masoud Pezeshkian, ປະທານາທິບໍດີ ອີຣານ (ພາບ: WANA/Majid Asgaripour via REUTERS)  

ໂດຍ​ສືບ​ຕໍ່​ສົງ​ຄາມ​ດ້ານ​ສື່ມວນ​ຊົນ​ທີ່​ດຸ​ເດືອດ​ລະ​ຫວ່າງ ອາ​ເມ​ລິ​ກາ ແລະ ອີ​ຣານ. ຕອນ​ຄ່ຳ​ວັນ​ທີ 22 ເມ​ສາ, ໃນ​ຖະ​ແຫຼງ​ການ​ເປັນ​ທາງ​ການ, ທ່ານ Masoud Pezeshkian, ປະ​ທາ​ນາ​ທິ​ບໍ​ດີ ອີ​ຣານ ໄດ້​ກ່າວ​ຫາ ອາ​ເມ​ລິ​ກາ ພວມ​ສືບ​ຕໍ່​ລະ​ເມີດ​ຂໍ້​ຕົກ​ລົງ​ຢຸ​ດ​ຍິງ, ເມື່ອ​ຍັງ​ຮັກ​ສາ​ການ​ປິດ​ລ້ອມ​ບັນ​ດາ​ທ່າ​ກຳ​ປັ່ນ​ຂອງ ອີ​ຣານ ຢ່າງ​ຜິດ​ກົດ​ໝາຍ. ທ່ານ​ຢືນ​ຢັນ​ວ່າ, ເລື່ອງ ອາ​ເມ​ລິ​ກາ ຈັດ​ວາງ​ການ​ຈຳ​ກັດ ແລະ ມີ​ຄຳ​ນາບ​ຂູ່​ແນ​ໃສ່ ອີ​ຣານ ຢ່າງ​ຕ​ໍ່​ເນື່ອງນັ້ນ, ແມ່ນ​ສິ່ງ​ກີດ​ຂວາງ​ຕົ້ນ​ຕໍ​ຂອງວິ​ວັດ​ທະ​ນາ​ການ​ເຈ​ລະ​ຈາ​ລະ​ຫວ່າງ 2 ຝ່າຍ.

ໃນ​ເຫດ​ການ​ທີ່ໜ້າ​ສົນ​ໃຈ​ອື່ນ, ​ຕອນ​ຄ່ຳ​ວັນ​ທີ 22 ເມ​ສາ, ສື່ມວນ​ຊົນ​ຢູ່​ພາກ​ພື້ນ ໃຫ້​ຮູ້​ວ່າ ໃນ​ວັນ​ດຽວ​ກັນ ຝຸງ​ກຳ​ປັ່ນບັນ​ທຸກ​ຍົນ​ສູ້ຮົບ USS George H.W. Bush (CVN-77) ຂອງ ອາ​ເມ​ລິ​ກາ ໄດ້​ເດີນ​ທາງ​ເຂົ້າ​ເຂດ​ທະ​ເລ ອາ​ຣັບ.