ຢູ່ກາງເຂດແຫ້ງແລ້ງ, ປຽບຄື ທະເລຊາຍຍ່ອຍ ຂອງເຂດທະເລຕາເວັນອອກພາກໃຕ້, ນິງຖ້ວນ ມີສວນສັດແຫ່ງໜຶ່ງ ປະກອບມີສັດຫຼາຍປະເພດ ທີ່ເປັນ ເອກະລັກສະເພາະ ມາຈາກທ່ົວທຸກມູມໂລກ ທີ່ມີຊື່ວ່າ Tien Tien Fram & Zoo. ນີ້ແມ່ນສະຖານທີ່ໃໝ່ ແຫ່ງການຢ້ຽມຢາມ ແລະ ຄົ້ນພົບ, ປະກອບສ່ວນເຂົ້າໃນບັນດາແຜນທີ່ທ່ອງທ່ຽວ ທີ່ມີຄວາມຫຼາກຫຼາຍ ແລະ ເປັນທີ່ດຶງດູດຂອງທ້ອງຖິ່ນ.
ສວນສັດ Tien Tien Fram & Zoo ຕັ້ງຢູ່ໃນຟາມ ກະເສດປອດສານພິດ ຕຽນຕ໋ຽນ ຢູ່ຕາແສງ ອານຫາຍ, ເມືອງ ນິງເຟືອງ ມີເນື້ອທີ່ປະມານ 5 ເຮັກຕາ ເຕັມໄປດ້ວຍຕົ້ນໄມ້ສີຂຽວ ທີ່ພວມລ້ຽງນົກ ແລະ ສັດແປກ ປະຫຼາດ ຫຼາຍຊະນິດ ທີ່ໄດ້ນຳເຂົ້າຈາກຕ່າງປະ ເທດ. ສັດ ຈຳນວນດັ່ງກ່າວ ສ່ວນຫຼາຍມີການຂະຫຍາຍຕົວ ແລະ ການພັດທະນາ ເຂົ້າກັບພູມປະເທດ ໂນນຊາຍ ແລະ ສະພາບອາກາດ ທີ່ມີແສງແດດຮ້ອນ ຕະຫຼອດປີ ຢູ່ທ້ອງຖິ່ນ.
ສວນສັດ Tien Tien Fram & Zoo ແບ່ງອອກເປັນ 2 ເຂດ ລ້ຽງສັດພື້ນຖານ, ລວມທັງເຂດລ້ຽງສັດ ຊັ້ນຍອດ ແລະ ເຂດຂົນສັດທີ່ໜ້າສົນໃຈ. ຢູ່ເຂດລ້ຽງສັດຊັ້ນຍອດ, ມີສັດຈໍານວນຫຼາຍທີ່ມີຕົ້ນກຳເນີດຈາກ ອົດສະຕຣາລີ ແລະ ອາຟຣິກກາ ແລະ ບາງປະເທດໃນ ອາຊີ, ເຊັ່ນ: ຈິງໂຈ້, ໜູ ຕະເພົາ, ເຫງັນ, ໝີແມວ, ອູດ, ມ້າແຄະ, ເຕົ່າ, ລະມັ່ງ, ອີກົວນາ ອາເມລິກາໃຕ້, ກະຕ່າຍ ນິວຊີແລນ, ແກະ ອົດສະ ຕຣາລີ... ໃນຂະນະທີ່ຢູ່ເຂດສັດ ມີຂົນທີ່ໜ້າສົນໃຈ ແມ່ນບ້ານຂອງສັດປີກ ທີ່ມີສີສັນຕ່າງກັນຄື: ຫົງ ດຳ, ຫ່ານ ຂາວ, ຫ່ານ ສິງໂຕ, ໄກ່ດຳ ອິນໂດເນເຊຍ, ນົກຍຸງ ສີຟ້າ ອິນເດຍ, ນົກຍຸງ ຫ້າສີ…ນອກນັ້ນ, ຍັງ ມີສັດຫຼາຍຊະນິດທີ່ມີຊື່ສຽງຂອງທ້ອງຖິ່ນ ກໍ່ຄື ຂອງ ຫວຽດນາມ ໄດ້ລ້ຽງຢູ່ສວນສັດແຫ່ງນີ້ ເຊັ່ນ: ແກະ, ແບ້, ໄກ່ ດົງຕ໋າວ... ນຳມາຊຶ່ງຄວາມຫຼາກຫຼາຍຮູບແບບ ແລະ ສິ່ງທີ່ມີຊີວິດຊີວາ ໃຫ້ແກ່ ສວນສັດ Tien Tien Farm & Zoo.
ຈຳນວນນັກທ່ອງທ່ຽວ ທີ່ມາຢ້ຽມຢາມ ສວນສັດ Tien Tien Farm & Zoo ສ່ວນຫຼາຍຈະແມ່ນກຸ່ມເດັກນ້ອຍ, ນັກຮຽນ, ນັກສຶກສາ ແລະ ກຸ່ມຄອບຄົວທ່ອງທ່ຽວ. ຢູ່ທີ່ນີ້, ສັດລ້ຽງສ່ວນຫຼາຍແມ່ນປະ ເພດ ສັດກິນຫຍ້າ ໄດ້ຮັບການລ້ຽງ ແລະ ດູແລ ເປັນຢ່າງດີ ແລະ ຕາມວິທະຍາສາດ, ດັ່ງນັ້ນ ເມື່ອມາຮອດສວນສັດແຫ່ງນີ້, ເດັກນ້ອຍ ຈະໄດ້ເຫັນກັບຕາ ແລະ ຄົ້ນພົບສັດ ຫຼາຍປະເພດທີ່ເປັນມິດ, ໄດ້ຮັບຟັັງການແນະນຳ ຢ່າງລະອຽນຈາກຜູ້ນຳທ່ຽວ ແລະ ສຳຜັດກັບຄວາມຮູ້ສຶກຂອງການດູແລ, ເອົາໃຈສັດ ແລະ ຖ່າຍຮູບກັບ ສັດປະ ເພດ ຕ່າງໆ ທີ່ເດັກນ້ອຍມັກ. ສວນສັດ ຍັງຖືກປົກຄຸມ ດ້ວຍແຜງແສງອາທິດ, ເຊິ່ງທັງຊ່ວຍໃນການໃຫ້ຮົ່ມ, ທັງສ້າງແຫຼ່ງພະລັງງານທົດແທນ - ເຊິ່ງເປັນຈຸດເດັ່ນ ຂອງ ສະຖານທີ່ນີ້.
ນອກຈາກໄປຢ້ຽມຢາມສວນສັດແລ້ວ, ນັກທ່ອງທ່ຽວ ຍັງໄດ້ສຳຜັດກັບກິດຈະກຳອື່ນໆ ເຊັ່ນ: ຢ້ຽມຢາມນິຄົມປອດສານພິດ, ສຳຜັດການປູກຝັງ, ຊົມໝາກໄມ້ສົດ ທີ່ປູກຢູ່ຟາມ, ນີ້ແມ່ນຮູບແບບການທ່ອງທ່ຽວ ສົມທົບ ກັບການຜະລິດກະສິກຳ ປອດສານພິດ ແລະ ພະລັງງານທົດແທນ ທີ່ Tien Tien Farm & Zoo ໄດ້ຕັ້ງເປົ້າໄວ້.
ນອກຈາກນັ້ນ, Tien Tien Farm & Zoo ຍັງຢູ່ໃກ້ກັບສະ ຖານທີ່ທ່ອງທ່ຽວ ທີ່ມີຊື່ສຽງ ອີກຫຼາຍແຫ່ງຂອງແຂວງ ນິງຖ້ວນ ເຊັ່ນ: ດອນຊາຍ ນາມເກື່ອງ, ບ້ານເຄື່ອງປັ້ນດິນເຜົາ ເບົ່າຈຸກ, ສວນອະງຸ່ນ ບາມ້ອຍ, ເຂດທ່ອງທ່ຽວທຳມະຊາດ Sen Charaih ແລະ ອື່ນໆ.
ບົດ: VNP/ເຊິນເຫງ້ຍ - ພາບ: ກົງດາດ - ແປໂດຍ: ຢືຟຽນ
