ໝູ່ບ້ານເຮັດ ຢໍ່ຈ໊າ ເອືອກເລ໊, ເມືອງ ແທງອວາຍ, ຮ່າໂນ້ຍ ມີປະຫວັດ ຄວາມເປັນມາເກືອບ 500 ປີແລ້ວ. ພິເສດແມ່ນຈາກອາຊີບມູນເຊື້ອ ຂອງ ໝູ່ບ້ານ, ປະຊາຊົນ ໃນໝູ່ບ້ານ ໄດ້ປະດິດສ້າງ ເຄື່ອງໝາຍການ ຄ້າ ຢໍ່ຈ໊າ ເອືອກເລ໊
| ຕາມບັນທຶກປະຫວັດສາດ, ອາຊີບເຮັດ ຢໍ່ຈ໊໊າ ເອືອກເລ໊ ມີມາແຕ່ສະໄໝລາຊະວົງ ມາກ (1527-1592). ມີເມຍນ້ອຍ ເຈົ້າຊີວິດຜູ້ໜຶ່ງ ໃນ ພະລາຊະວັງ ແມ່ນຊາວບ້ານ ເອືອກເລ໊ ໄດ້ກັບຄືນບ້ານເກີດ ເພື່ອກໍ່ ສ້າງປະຕູບ້ານ ແລະ ສອນອາຊີບ ເຮັດ ຢໍ່ຈ໊າ ໃຫ້ປະຊາຊົນ. ປັດຈຸບັນ, ປະຕູບ້ານ ເອືອກເລ໊ ຍັງຄົງຕົວເໝືອນດັ່ງສິ່ງພິສູດ ກ່ຽວກັບ ວັນເວລາ ແລະ ຂີດໝາຍ ຂອງ ໝູ່ບ້ານອາຊີບ ທີ່ໄດ້ຜ່ານຜ່າການຜັນແປ ປ່ຽນ ແປງ ຕາມວັນເວລາ. |
| ຢູ່ ເອືອກເລ໊ ມີງານບຸນ ປະຈຳປີຂອງໝູ່ບ້ານ. ໃນມື້ນັ້ນ, ຊາວບ້ານ ບໍ່ວ່າຈະໄປໄກປານໃດ, ແຕ່ຍັງລະນຶກເຖິງວັນບູຊາ ບັນພະບຸລຸດ ຂອງ ອາຊີບ. ງານບຸນ ໝູ່ບ້ານພິເສດທີສຸດ ແມ່ນງານບຸນ ຢໍ່ຈ໊າ ເອືອກເລ໊. ຊາວໜຸ່ມໃນໝູ່ບ້ານ ຂ້າໝູ ເພື່ອຕຳ ຢໍ່ ຕະຫຼອດຄືນ, ສ່ວນຊາວບ້ານໄດ້ເຕົ້າໂຮມກັນຫໍ່ຢໍ່, ເຮັດຈ໊າ ຢູ່ເດີ່ນບ້ານ. ບັນດາປ່ຽງ ຈ໊າ “ເກ໋ວ” ສົ່ງລົດຊາດ ຫອມທີ່ເປັນເອກະລັກ ແລະ ບັນດາຕ່ອນຢໍ່ ຫາກໍ່ຕົ້ມສຸກ ຍັງ ທີ່ຮ້ອນ ເປັນຜະລິດຕະພັນພິເສດ ເປັນເຄື່ອງສັງຄະທານທີ່ ພິເສດຂອງ ທ້ອງຖິ່ນ ເພື່ອຖະຫວາຍ ຕໍ່ມະເຫສັກຫຼັກເມືອງ ຂອງບ້ານ. |
ຄອບຄົວຂອງທ່ານ ຮ່ວາງບ໋າເຮີບ ຍັງຄົງຮັກສາວິທີຕຳຢໍ່ແບບດັ້ງເດີມ.
ຊີ້ນ ຫຼັງຈາກຖືກບົດໃຫ້ລະອຽດ ແລ້ວ ຈະຖືກຫໍ່ ດ້ວຍ ໃບກ້ວຍ ກ່ອນຈະນໍາໄປຕົ້ມ. ພາບ: ແທງຢາງ/VNP
ຜະລິດຕະພັນ ຢໍ່ຈ໊າ ຊຶ່ງປະຊາຊົນ ເອືອກເລ໊ ນໍາໄປຖະຫວາຍ ບັນພະບຸລຸດ
ໃນໂອກາດບຸນເຕັດ ແລະ ງານຕ່າງໆ ດ້ວຍໃຈສັດທາ.
| ຈາກຜະລິດຕະພັນເບື້ອງຕົ້ນແມ່ນ ຢໍ່ “ລົ້ວ” ແລະ ຈ໊າ “ເກ໋ວ”, ຕໍ່ມາ ຊາວບ້ານ ເອືອກເລ໊ ໄດ້ຜະລິດ ຢໍ່ ຈ໊າ ອີກຫຼາຍປະເພດເຊັ່ນ: ຢໍ່ງົວ, ຢໍ່ຂົ້ວ, ຢໍ່ໜັງ, ຈ໊າຈືນ, ສົ້ມໝູ... ກິນແກ້ມກັບ ແບງໄຢ່-ແບງຈຶງ (ເຂົ້າ ໜົມ ປຽກປູນ-ເຂົ້າຕົ້ມ). ອາຫານ ທຸກປະເພດລ້ວນແຕ່ແຊບນົວ ແລະ ຍັງເປັນທີ່ດຶງດູດ ຂອງຕະຫຼາດ ຫວຽດນາມ, ນັກທ່ອງທ່ຽວສາກົນຫຼາຍຄົນທີ່ມາ ຫວຽດນາມ ກໍ່ມັກອາຫານເຍື່ອງນີ້ ແລະ ຊອກຫາເພື່ອຊີມ ລົດຊາດ. |
| ທ່ານ ຮວ່າງບ໋າເຮີບ, ຊາວບ້ານ ເອືອກເລ໊ ໄດ້ແບ່ງປັນວ່າ ຄອບຄົວ ຂອງ ເພິ່ນຈະຕື່ນແຕ່ 3 ໂມງເຊົ້າ ເພື່ອຕຳຊີ້ນ ເຮັດຢໍ່, ເຮັດຈ໊າ ແລະ ນຳໄປຂາຍຢູ່ຕະຫຼາດແຕ່ເຊົ້າໆ. ພາຍຫຼັງລູກຫຼານ ຂອງ ເພິ່ນສືບທອດ ອາຊີບນີ້ ໄດ້ລົງທຶນ ຊື້ ຈັກບົດຊີ້ນ ຫຼາຍໜ່ວຍ ເພື່ອການເຮັດ ຢໍ່ຈ໊າ ແລ້ວເປີດໂຮງງານ ຜະລິດ. ໃນໂອກາດບຸນປີໃໝ່ ປະຈຳຊາດ, ຄອບ ຄົວເພິ່ນເຮັດ ຢໍ່ ຈ໊າ ນັບຫຼາຍຮ້ອຍກິໂລ ເພື່ອສະໜອງໃຫ້ຕະຫຼາດ. |
| ເຖິງວ່າ ມີເຄື່ອງຈັກ ຊ່ວຍໃນການເຮັດ ຢໍ່ຈ໊າ ກໍ່ຕາມ, ແຕ່ຊາວບ້ານ ເອືອກເລ໊ ຍັງຄົງຮັກສາສູດ, ເຄັດລັບ ທີ່ໄດ້ຮັບການສືບທອດ ຜ່ານຫຼາຍ ເຊ່ັນຄົນ, ດັ່ງນັ້ນ ລົດຊາດຂອງ ຢໍ່ຈ໊າ ເອືອກເລ໊ ມີພຽງແຕ່ຊາວບ້ານ ເອືອກເລ໊ ຈຶ່ງເຮັດໄດ້ ແລະ ບໍ່ຄືກັນ ກັບຜະລິດຕະພັນຢໍ່ຈ໊າ ຢູ່ແຫ່ງ ອື່ນໆ. |
| ປັດຈຸບັນ, ອາຊີບ ເຮັດ ຢໍ່ຈ໊າ ເອືອກເລ໊ ໄດ້ມີການພັດທະນາຢ່າງຕັ້ງ ໜ້າ, ພິເສດແມ່ນຊາວບ້ານ ເອືອກເລ໊ ດ້ວຍເຄັດລັບສະເພາະຂອງຕົນ ໄດ້ພັດທະນາເຄື່ອງໝາຍການຄ້າ ຕິດພັນກັບຮີດຄອງປະເພນີ ຂອງຄອບຄົວ ແລະ ໄດ້ເປີດຮ້ານຂາຍ ຢໍ່ຈ໊າ ຢູ່ທົ່ວທຸກແຫ່ງ ຂອງ ຮ່າໂນ້ຍ ແລະ ບັນດາແຂວງ, ນະຄອນ ຂອງ ຫວຽດນາມ ຊຶ່ງພົ້ນເດັ່ນຄື ຢໍ່ຈ໊າ ເອືອກເລ໊ ຊວນເຮືອງ, ຢໍ່ຈ໊າ ເອືອກເລ໊ ຟຸກລົກຖໍໍ້… ລ້ວນແຕ່ແມ່ນເຄື່ອງໝາຍການຄ້າ ໂດຍປະຊາຊົນ ໝູ່ບ້ານ ເອີືອກເລ໊ ສ້າງຂຶ້ນ. |
ຢໍ່ຈ໊າ ເອືອກເລ໊ ຫອມແຊບ ເປັນທີ່ດຶງດູດໃຈຜູ້ຮັບປະທານ.
ຢໍ່ຈ໊າ ເອືອກເລ໊ ຖືກຫຸ້ມຫໍ່ເພື່ອອຳນວຍຄວາມສະດວກໃນການຂົນສົ່ງທາງໄກ ແຕ່ຍັງຄົງຮັກສາລົດຊາດສະເພາະ.
ລູກຄ້າໄວ້ວາງໃຈທີ່ຈະເລືອກເອົາ ຢໍ່ຈ໊າ ເອືອກເລ໊ ຂອງໂຮງ ງານຜະລິດ ຊວນເຮືອງ.
| ທ່ານນາງ ຮ່ວາງທິແອວງ, ຜູ້ອຳນວຍການໂຮງງານຜະລິດ ຢໍ່ຈ໊າ ເອືອກເລ໊ ຊວນເຮືອງ ໃຫ້ຮູ້ວ່າ: ຄອບຄົວ ຂອງ ເພິ່ນ ມີ 3 ຮຸ່ນຄົນ ທຳ ອາຊີບເຮັດ ຢໍ່ຈ໊າ, ຈາກໂຮງງານຜະລິດຂະໜາດນ້ອຍ ໜຶ່ງແຫ່ງ, ທ່ານນາງ ແອວງ ໄດ້ພັດທະນາ ໂຮງງານຜະລິດ ຢໍ່ຈ໊າ ຂະໜາດໃຫຍ່ ອີກ 2 ແຫ່ງ ຢູ່ ຮ່າໂນ້ຍ. ຈາກນັ້ນກໍ່ສ້າງຕັ້ງສະຫະກອນ ຢໍ່ຈ໊າ ເອືອກເລ໊ ຊວນເຮືອງ, ແຕ່ລະມື້ ສະຫະກອນ ໄດ້ສະໜອງອອກ ສູ່ຕະຫຼາດ ຜະລິດຕະພັນ ຢໍ່ຈ໊າ ກວ່າ 30 ຊະນິດທີ່ແຕກຕ່າງກັນ. ປັດຈຸບັນ, ຢໍ່ຈ໊າ ຊວນເຮືອງ ໄດ້ປະກົດຕົວ ຢູ່ຕະຫຼາດມູນເຊື້ອ ແລະ ຮ້ານຄ້າຂາຍຍ່ອຍຫຼາຍແຫ່ງຢູ່ ຮ່າໂນ້ຍ ກໍ່ຄື ບັນດາແຂວງ ໃກ້ຄຽງ. |
| ໃນພາເຂົ້າ ຂອງ ຊາວ ຫວຽດນາມ, ພິເສດແມ່ນໃນໂອກາດ ງານບຸນ ປະເພນີ ອັນເປັນມູນເຊື້ອ, ຍາມໃດກໍມີລາຍການອາຫານ ຢໍ່ຈ໊າ. ຊາວບ້ານ ເອືອກເລ໊ ມີຄວາມພາກພູມໃຈ ທີ່ໄດ້ດຳລົງຊີວິດດ້ວຍອາຊີບນີ້ ແລະ ໄດ້ສ້າງເຄື່ອງໝາຍການຄ້າ ຢໍ່ຈ໊າ ເອືອກເລ໊, ປະກອບສ່ວນສ້າງສີສັນວັດທະນະທຳ ແລະ ລົດຊາດມູນເຊື້ອ ຂອງອາຫານ ຫວຽດນາມ. |
