ຊາວ ຮ່າໂນ້ຍ ຕ່າງຕີລາຄາສູງ ເນື່ອງຈາກ ຄວາມສະອຽດອ່ອນ, ສະ ຫງຽມຄ່ຽມຄົມ ແຕ່ກໍສຸດທີ່ພິຖີພິຖັນ ແລະ ເອົາໃຈໃສ່ ໃນການທຳ ອາ ຫານ ຢູ່ສະເໝີ. ຍ້ອນຄວາມພິຖີພິຖັນນີ້ ໄດ້ເຮັດໃຫ້ລາຍການອາ ຫານ ສາມັນຊົນທົ່ວໄປ ແລະ ງ່າຍໆ ເຊັ່ນ: ຈ໊າກ໋າ (ຢໍ່ປາ) ໄດ້ສ້າງ ໃຫ້ມີ ຊີວິດຊີວາ ແລະ ກາຍເປັນຈຸດ ສຸດຍອດ ໃນສິລະປະການ ກິນ ຂອງ ຊາວ ຮ່າໂນ້ຍ.

ພິເສດ, ດ້ວຍຄວາມປະທັບໃຈ ແລະ ນັບມື້ມີລັກສະນະ ທົ່ວໄປ ຕາມ ວັນເວລາ, ຊື່ຂອງລາຍການອາຫານນີ້ ໄດ້ຕັ້ງຊື່ ໃຫ້ຄຸ້ມຖະໜົນນ້ອຍ ແຫ່ງໜຶ່ງ ໃນເຂດຖະໜົນບູຮານຂອງ ຮ່າໂນ້ຍ  ແລະ ກາຍເປັນຈຸດທີ່ ບໍ່ຄວນພາດ ໃນການເດີນທາງຄົ້ນພົບ ເຂດດິນ ທີ່ມີມູນເຊື້ອ ວັດທະ ນະທຳ ນັບພັນປີ ຂອງ ແຂກທາງໄກໄທຕ່າງເມືອງ ຈາກທຸກສາ ລະທິດ, ນັ້ນແມ່ນ ຄຸ້ມຖະໜົນ ຈ໊າກ໋າ.

ຈ໊າກ໋າ ແມ່ນເຮັດຈາກ ຊີ້ນປາກົດ (Bagridae). ນີ້ແມ່ນປະເພດ ປາ ໜັງ, ກະດູກໜ້ອຍ, ຊີ້ນຫອມນົວ. ພິເສດ ໜັງຂອງມັນແຊບທີ່ສຸດ. ເຄັດລັບໃນການສ້າງ ລົດຊາດ ທີ່ຫອມແຊບ ໃຫ້ແກ່ລາຍການອາ ຫານ ນີ້ ແມ່ນຢູ່ໃນການເອືອບເຄື່ອງເທດ. ສ່ວນປະສົມ ເຄື່ອງເທດ ລວມມີ: ແປ້ງຂີ້ໝິ້ນ, ຜັກທຽມ, ຜັກບົ່ວ, ຫົວຄ່າ, ເກືອ, ນຳ້ຕານ, ນຳ້ ປາ ແລະ ຕື່ມກະປິ ອີກໜ້ອຍໜຶ່ງ.

ວັດຖຸປະກອບເພື່ອການປຸງແຕ່ງລາຍການອາຫານ ຈ໊າກ໋າ ລວມມີ ຊີ້ນປາກົດ, ຜັກບົ່ວ, ຜັກຊີ, ໝາກເຜັດ, ປິກຸ້ງ... ລາຍການອາຫານ ຈ໊າຈ໋າ ມີຊື່ສຽງ ຂອງ ຊາວ ຮ່າໂນ້ຍ.

ນີ້ແມ່ນບັນດາວັດຖຸປະກອບຈາກທຳມະຊາດ ແລະ ຫາງ່າຍ, ພາຍ ໃຕ້ສີມືຂອງພໍ່ຄົວ ໄດ້ສ້າງເປັນລາຍການອາຫານ ທີ່ສ້າງ ພະລັງຈູງ ໃຈ ໃຫ້ກັບຜູ້ຊີມເປັນພິເສດ.

ລາຍການອາຫານ ຈ໊າກ໋າ ເຄີຍໄດ້ໜັງສືພິມ ແລະ ເວັບໄຊ ກ່ຽວກັບ ອາຫານການກິນ ແຖວໜ້າຂອງໂລກ ໃຫ້ຄຳສັນລະເສີນວ່າ ນີ້ແມ່ນ “ລາຍການອາຫານ ທີ່ຕ້ອງໄດ້ທົດລອງກິນ ຈັກຄັ້ງໜຶ່ງໃນຊີວິດ”.
 

ບົດ: ຖາວວີ - ພາບ: ເຈິ່ນແທງຢາງ