ງານບຸນເສື້ອຍາວນະຄອນ ໂຮ່ຈີມິນ ປີນີ້ມີທູດເຄື່ອງໝາຍການຄ້າ 37 ທ່ານ ໃນຫຼາຍຂົງເຂດເຂົ້າຮ່ວມ  

ງານບຸນເສື້ອຍາວນະຄອນ ໂຮ່ຈີມິນ ປີນີ້ມີ 17 ກິດຈະກຳຫຼັກ, ເຕົ້າໂຮມເສື້ອຍາວເກືອບ 400 ຊຸດ, ນາງແບບ, ນັກສະແດງກວ່າ 600 ຄົນ ພ້ອມດ້ວຍທູດເຄື່ອງໝາຍການຄ້າ 37 ທ່ານ ໃນຫຼາຍຂົງເຂດ. ຈຸດເນັ້ນໜັກຂອງງານບຸນປີນີ້ແມ່ນມີການເຂົ້າຮ່ວມຂອງນັກອອກແບບ 37 ທ່ານ ທີ່ມາຈາກບັນດາເຂດພາກໃນທົ່ວປະເທດ, ພ້ອມທັງມີນັກອອກແບບສາກົນເຂົ້າຮ່ວມເປັນເທື່ອທຳອິດ, ໃນນັ້ນ ມີນັກອອກແບບມາຈາກ ຍີ່ປຸ່ນ. ທ່ານ ເລເຈືອງຮ່ຽນຮວ່າ, ຮອງຜູ້ອຳນວຍການພະແນກທ່ອງທ່ຽວນະຄອນ ໂຮ່ຈີມິນ, ໃຫ້ຮູ້ວ່າ:

        “ຈຸດໃໝ່ຂອງງານບຸນປີນີ້ແມ່ນມີການເຂົ້າຮ່ວມຂອງນັກອອກແບບຫຼາຍຄົນທັງຢູ່ພາຍໃນ ແລະ ສາກົນອີກດ້ວຍ. ສິ່ງດັ່ງກ່າວສະແດງໃຫ້ເຫັນການເຊື່ອມໂຍງທີ່ນັບມື້ນັບຈະແຈ້ງຂອງງານບຸນຊຸດເສື້ອຍາວ ນະຄອນ ໂຮ່ຈີມິນ. ໄປຄຽງຄູ່ກັນນັ້ນ, ງານບຸນດັ່ງກ່າວຍັງໄດ້ຮັບການສະໜັບສະໜູນຢ່າງກວ້າງຂວາງຈາກ 168 ຕາແສງຢູ່ເຂດພິເສດ, ດ້ວຍຫຼາຍເຂດລົງຕົວຈິງອີກດ້ວຍ. ພວກຂ້າພະເຈົ້າຫວັງວ່າ ຈະປະກອບສ່ວນໂຄສະນາການທ່ອງທ່ຽວ, ວັດທະນະທຳຂອງນະຄອນ ໂຮ່ຈີມິນ”