ຢູ່ ວັນມ້ຽວ-ກວັກຕີ້ຢາມ ທີ່ນະຄອນຫຼວງ ຮ່າໂນ້ຍ ໄດ້ຈັດງານວາງສະແດງພາຍໃຕ້ຫົວຂໍ້ “ມ້າຄືນຖິ່ນ” ເພື່ອເປັນການສະເຫຼີມສະຫຼອງ ແລະ ຕ້ອນຮັບບຸນປີໃໝ່ປະຈຳຊາດ ປີມະເມຍ 2026. ງານວາງສະແດງດັ່ງກ່າວຈະເປີດໃຫ້ເຂົ້າຊົມໄປຈົນເຖິງທ້າຍເດືອນມີນາ.

ພາຍໃນງານໄດ້ຈັດສະແດງຜົນງານຂອງທ່ານ ດັ້ງມິງເຕີມ, ນັກຄົ້ນຄວ້າວັດທະນະທຳເຂດພູດອຍພາກກາງ, ຈິດຕະກອນ ເລຮຸຍ ແລະ ຫ້ອງສິລະປະ ລາມຟອງ, ພ້ອມທັງມີຮູບພາບ ແລະ ວັດຖຸພັນຕ່າງໆ ທີ່ຕິດພັນກັບໂຕມ້າໃນຫຼາຍບໍລິບົດທາງວັດທະນະທຳ. ດ້ວຍການຈັດວາງໃນສະຖານທີ່ປະຫວັດສາດອັນສັກສິດຂອງ ວັດວັນນະຄະດີ, ງານວາງສະແດງຄັ້ງນີ້ໄດ້ສ້າງການສົນທະນາ ລະຫວ່າງມູນເຊື້ອການຮ່ຳຮຽນທີ່ມີມາແຕ່ດົນນານ ກັບ ຈິດວິນຍານແຫ່ງການເຄື່ອນໄຫວ ແລະ ການປ່ຽນແປງໃໝ່ ໃນສັງຄົມຍຸກປັດຈຸບັນ.